б д т әзәрбәйҗан билән әрменийәни соғуққанлиқ билән һәрикәт қилишқа чақирди

бирләшкән дөләтләр тәшкилати баш катипи антонйо гутереш әзәрбәйҗан билән әрменийәни соғуққанлиқ билән һәрикәт қилишқа чақирди.

1454769
б д т әзәрбәйҗан билән әрменийәни соғуққанлиқ билән һәрикәт қилишқа чақирди

түркийә авази радийоси хәвири: гутереш, байанатчиси степһан дуҗарричниң васитиси арқилиқ елан қилған байанатида, әзәрбәйҗан – әрменийә чеграсида еғир типлиқ қорал – йарағлар ишлитилгән вә өлүм билән нәтиҗиләнгән тоқунушлардин қаттиқ әндишә қилидиғанлиқини әскәртиш билән бир вақитта, тәрәпләрни тоқунушқа хатимә беришкә, сүркилишни азайтиш вә иғвагәрлик түсини алған байанатлардин йирақ турушқа чақирди.

у йәнә, мәзкур хәвплик киризисни вә узундин буйан үзлүксиз давамлишиватқан  қарабағ мәсилисини тинч йол һәм сөһбәт арқилиқ һәл қилиш тиришчанлиқлирини қоллаш тәклипини сунди.

әрменийә армийәси йәкшәнбә күни чегра линийәсиниң товуз районида, әзәрбәйҗан һәрбий базилириға зәмбирәк қатарлиқлар арқилиқ һуҗум қилған, әзәрбәйҗан армийәсиниң тегишлик җаваб қайтуруши нәтиҗисидә бәзи әскәрлиридин айрилип қалған һалда чекингәниди.

тоқунушта әзәрбәйҗан армийәсидин  бир лейтенантни өз ичигә алған 4 әскәр қаза қилған, 4 әскәр йариланғаниди.

әзәрбәйҗан армийәсиму әрменийә армийәсигә аит һәрбий базиларни, һәрбий радар понкитини, һәрбий әслиһә искилатлирини, танка вә бироневикларни оққа тутқаниди.



مۇناسىۋەتلىك خەۋەرلەر