herbiy isyanchi hafter qoralliq unsurliri jufrada bir ayalni étip öltürdi

liwiyening sherqidiki qanunsiz qoralliq küchlerning rehbiri xelipe hafterge tewe qoralliq unsurlar jufra wilayitining merkizidiki hun rayonida bir ayalni étip öltürüp, bir yashni tutup ketti.

1453526
herbiy isyanchi hafter qoralliq unsurliri jufrada bir ayalni étip öltürdi

türkiye awazi radiyosi xewiri: liwiye armiyesige tewe sirte we jufra birleshme heriket bölümining bayanatchisi général abdulhadi dirah tiwittér hésabida élan qilghan bayanatida, hafter qoralliq unsurliri we yallanma eskerlirining alqinigha kirgüziwalghan rayonlarda puqralargha hujum qilishni dawamlashturiwatqanliqini bildürdi.

hafter qoralliq unsurlirining aldinqi hepte hunda öltürülgen yashning akisini tutqun qilghanliqini bayan qilghan abdulhadi dirah, bu yashtin téxiche xewer yoqliqini éytti.

abdulhadi dirah hafter qoralliq unsurlirining buningliq bilenla boldi qilmastin, hunda yene bir ayalni öltürgenlikini, ailisidikiler teripidin 5 kündin béri izdelgen bu ayalning jansiz jesitining aldinqi küni béshidin miltiq bilen étiwétilgen halda tépilghanliqini qayt qildi.

yerlik taratqularning xewirige asaslanghanda, tariq abdulhefiz namliq kishimu hafterge tewe qoralliq unsurlar teripidin tutqun qilinip, bir heptidin kéyin qiynap öltürülgen.

ziyad el erebi isimliq yash bolsa, 3 - iyul öyining aldida sudandin yallanghan janjawid unsurliri teripidin étip öltürülgen.

yerlik taratqularning xewerliride yene, hun ahalilirining hafter qoralliq unsurliri we yallanma eskerlirining depsendichiliklirige naraziliq bildürgenliki, rayondiki dukanlar we her xil karxanilarningmu naraziliq paaliyitige qatnishish üchün ish toxtatqanliqi uqturulghan idi.

 



مۇناسىۋەتلىك خەۋەرلەر