б д т : тарқилишчан кесәлликләрниң %75и һайванлардин йуқиду

бирләшкән дөләтләр тәшкилати (б д т) доклати, йеңи типтики йуқумлуқ кесәлликләрниң %75 иниң һайванлардин инсанларға йуққан кесәлликләр икәнликини оттуриға қойди.

1453217
б д т : тарқилишчан кесәлликләрниң %75и һайванлардин йуқиду

түркийә авази радийоси хәвири: б д т ниң доклат қилишичә, 1999 – 2019 – йиллири арилиқида 149 дөләт вә районда 6 миңға йеқин өсүмлүк вә һайван түрини өз ичигә алған 180 миңдин артуқ йавайи һайат җинайити садир қилинған.

доклатта, йавайи һайван вә өсүмлүк әткәсчилкиниң тәбиәт вә дунйадики бийологийәлик рәңдарлиққа хәвп йәткүзгәнлики тәкитләнди.

йавайи һайванларниң тәбиий һайат кәчүрүш саһәлиридин мәһрум қилинип, қанунсиз йоллар билән өлтүрүлүши йаки содисиниң қилиниши кәлтүрүп чиқарған еғир ақивәтләр тилға елинған доклатта, йавайи һайатқа қарши садир қилинған җинайәтләр сәвәбидин күчийип кәткән һайванлардин адәмләргә йоқитидиған зоонотик кесәлликәргә ишарәт қилинған һалда « йеңи типтики йуқумлуқ кесәлликләрниң %75 и зоотик кесәлликләр (һайванлардин инсанларға йуқидиған) дин тәшкил тапиду. ковид – 19 му бу категорийәдин орун алиду» дегән учурларға орун берилди.

ковид – 19 ни тошуғучи йошурун һавайи һайван дәп қариливатқан панголин қатарлиқ беғирлиғучи һайванларниң 2014 – 2018 – йиллар арилиқида әң көп содиси қилинған һайванлар икәнлики әскәртилгән доклатта, бу җәрйанда панголин содисиниң он һәссә ешип кәткәнлики қәйт қилинди.



مۇناسىۋەتلىك خەۋەرلەر