aqsarayda yighingha qatnashqan bir muxbirda wirus bayqalghan

türkiye awazi radiyosi xewiri: wabaning merkizige aylanghan amérikada, wuxen wirusi sewebidin jénidin ayrilghanlar 135 ming 828 ge, yuqumlanghanlar sani 3 milyon 220 ming 559 gha chiqti.

düshenbe (2020-yili 6-iyul) küni aqsarayda ötküzülgen axbarat élan qilish yighinigha qatnashqan bir muxbirda wirus bayqilishi, köp ensireshlerge seweb boldi. muxbirning kimliki ashkarilanmidi, emma u muxbirning aqsaraydiki waqtida maska taqighanliqi we késellik alamitining körülmigenliki qeyt qilindi.

aqsarayda axbarat élan qilish yighinlirigha qatnishidighan muxbirlar, her küni salametlik tekshürüshidin ötküzülidu.

yéqinqi 24 saette wuxen wirusi sewebidin 1 ming 220 kishi jénidin ayrilghan biraziliyede, wirus sewebidin jénidin ayrilghanlarning jemiy sani 69 ming 254 ke chiqti. yuqumlanghuchilar sani bolsa, 1 milyon 759 ming 103 ke chiqti.

méksikada yéqinqi 24 saette 730 kishi jénidin ayrildi. buning bilen, wirus sewebidin jénidin ayrilghanlarning jemiy sani 33 ming 526 ge, jemiy yuqumlanghanlar sani 282 ming 283 ke chiqti.

wuxen wirusining yawropadiki merkizige aylanghan engliyede, yéqinqi 24 saette 85 kishi jénidin ayrildi we jemiy san 44 ming 602 ge chiqti. oxshash waqitta, 642 kishi yuqumlandi we jemiy yuqumlanghanlar sani 287 ming 621 ge chiqti.

italiyede yéqinqi 24 saette 12 kishi wuxen wirusi sewebidin jénidin ayrildi we jemiy san 34 ming 926 ge chiqti. oxshash waqitta 229 kishi yuqumlandi. jemiy yuqumlanghanlar sani 13 ming 459 gha töwenlidi.

italiye ichki ishlar ministiri lucharna lamorjézi (Luciana Lamorgese) «RAI3» téléwiziyesining bir pirogrammisida, italiyege éghir tesir körsetken wuxen wirusining iqtisadiy tesirliri, küz peslide özini körsitishke bashlaydighanliqi toghrisida agahlandurdi.

italiye iqtisadining bu yil (2020) %13-12 töwenleydighanliqi perez qilinmaqta.

firansiyede yéqinqi 24 saette wuxen wirusi sewebidin 14 kishi jénidin ayrildi we jemiy san 29 ming 979 gha chiqti. oxshash waqitta, 621 kishi yuqumlandi we jemiy san 205 ming 246 ge chiqti.

ispaniyede yéqinqi bir heptide wuxen wirusi sewebidin 10 kishi jénidin ayrildi we jemiy san 28 ming 401 ge chiqti. yéqinqi 24 saette 241 kishi yuqumlandi we jemiy yuqumlanghanlar sani 253 ming 56 ge chiqti.

portugaliyede yéqinqi 24 saette 13 kishi jénidin ayrildi we jemiy san 1 ming 644 ke chiqti. oxshash waqitta, 418 kishi yuqumlandi we jemiy yuqumlanghanlar sani 45 ming 277 ge chiqti.

bezi döletlerdiki wuxen wirusigha munasiwetlik ölüm sani töwendikiche:

péru 11 ming 314, bélgiye 9 ming 781, gérmaniye 9 ming 125, kanada 8 ming 749, chili 6 ming 682, gollandiye 6 ming 137, shiwétsiye 5 ming 500, ékwador 4 ming 900, kolombiye 4 ming 714, argéntina 1 ming 720.