türkiyege haqaret qilghan riyasetchi qanunning bir terep qilishigha tapshuruldi
liwan dairiliri ermen millitidin bolghan riyasetchi néshan dér xarotiyanni türkiyege haqaret qilish bilen eyiblep sotning bir terep qilishigha tapshurdi.
türkiye awazi radiyosi xewiri: liwan resmiy xewer agéntliqi – NNA ning xewirige qarighanda, xarotiyan üstidin sunulghan erznamige qarap chiqqan bash teptish mehkimisi, riyasetchini sotning bir terep qilishigha hawale qilghan bolup, sot 8 – öktebirde bashlinidiken.
dér xarotiyan ötken ay neq meydandin biwasite tarqitilghan pirogrammisigha chiqarghan ereb birliki partiyesining rehbiri we sabiq muhit asrash ishliri ministiri wiam wehhab bilen birlikte, osmanli impériyesi (1299 – 1923) we türkiye jumhur reisi rejep tayyip erdoghangha haqaret qilghanidi.
ijtimaiy taratqudin kelgen küchlük teleplerdin kéyin téléwiziye qanilining paytext béyruttiki merkizi aldida we tirablussham shehiride namayishlar ötküzülgenidi.
liwanliq adwokat muhemmed ziyad jeafil, mezkur küshkürtküchi sözliri sewebidin xarotiyan üstidin sotqa erz sunghandin kéyin bayanat bérip, «dér xarotiyan, bir mehelliy téléwiziye qanilidiki pirogrammisida qérindash türkiyege haqaret qilish arqiliq liwanning milliy birlikige qarshi mezhep xaraktérlik ighwa tarqitishqa urundi» dégenidi.
