tramp «nafta»gha «insaniyet tarixining eng nachar kélishimi» dep baha berdi

amérika qoshma ishtatliri pirézidénti donald tramp, döliti bilen kanada we méksika otturisida imzalanghan «shimaliy amérika erkin soda kélishimi» (nafta – NAFTA) ge «insaniyet tarixidiki eng nachar kélishim» dep baha berdi.

1451934
tramp «nafta»gha «insaniyet tarixining eng nachar kélishimi» dep baha berdi

türkiye awazi radiyosi xewiri: tramp bilen méksika prézidénti andrés manuél lopéz obrador aqsarayda ötküzgen ayrim uchrishishidin kéyin,  ikki dölet otturisida «dostluq xitabnamisi» imzalidi.

amérika bilen méksika munasiwitining ilgirikige qarighanda yaxshi ikenlikini bayan qilghan tramp amérika-méksika-kanada kélishimining 1 – iyuldin bashlap ijra qilinishqa bashlighanliqigha isharet qilip,  özining pat yéqinda kanada bash ministiri jastin trudo bilenmu körüshidighanliqini tekitlidi.

u, amérika – kanada – méksika kélishimining mezkur üch dölet otturisida tüzülgen shimaliy amérika erkin soda kélishimining ornini igiligenlikini tilgha élip, «shimaliy amérika erkin soda kélishimi insaniyet tarixidiki eng nachar kélishimlerning biri idi. emdi uning ornini yépyéngi we yaxshi bolghan amérika – kanada – méksika kélishimi aldi. bu kélishim nurghun ewzellikler bilen teminleydu, bu xelqarada hasil qilinghan eng yaxshi kélishim» dégenlerni qeyt qildi.



مۇناسىۋەتلىك خەۋەرلەر