تېل ئابيادتا ئاپتوموبىل بومبا ھۇجۇمى يۈز بەردى
سۈرىيەنىڭ شىمالىدىكى تېل ئابياد رايونىدا ئاپتوموبىل بومبا بىلەن ئېلىپ بېرىلغان تېررورلۇق ھۇجۇمىدا، دەسلەپكى مەلۇماتلارغا ئاساسلانغاندا، 6 پۇقرا قازا قىلىپ، 7 پۇقرا يارىلانغان.
تۈركىيە ئاۋازى رادىيوسى خەۋىرى: تېل ئابياد تۈركىيە ئارمىيەسى ۋە سۈرىيە مىللىي ئارمىيەسى تەرىپىدىن ئېلىپ بېرىلغان «تىنچلىق بۇلىقى ھەرىكىتى» نەتىجىسىدە تېرورچىلاردىن تازىلانغان بولۇپ، بۈگۈن (2020-يىلى 8-ئىيۇل) ناھىيە مەركىزىدە پارتلاش يۈز بەردى.
ئاپتوموبىل بومبا پارتىلىشى نەتىجىسىدە، 3 كىچىك بالىنىمۇ قوشقاندا جەمئىي 6 نەپەر پۇقرا قازا قىلدى ۋە 7 پۇقرا يارىلاندى.
ئەھۋالى ئېغىر تۆت يارىدار تۈركىيەگە يوللاندى.
پارتلاش سەۋەبىدىن ئەتراپتىكى خىزمەت ئورۇنلىرىمۇ زىيانغا ئۇچرىدى.
نەق مەيداندا تەكشۈرۈش ئېلىپ بارغان يەرلىك بىخەتەرلىك قىسىملىرى، بۇ ھەرىكەتنىڭ بۆلگۈنچى تېررورلۇق تەشكىلاتى YPG / PKK تەرىپىدىن قىلىنغانلىقىنى تەكىتلىدى.
يەرلىك ساقچى قىسىملىرى رايوننى بىخەتەرلىك چەمبىرىكىگە ئالدى. كەلگەن ئىستىخباراتقا بىنائەن ئىككىنچى ئاپتوموبىل بومبىنى ئىزدىمەكتە.
سۈرىيەنىڭ شىمالىدىكى تېل ئابياد ناھىيە مەركىزى 2019 - يىلى 13 - ئۆكتەبىردە «تىنچلىق بۇلىقى» ھەرىكىتى ئارقىلىق تېررورچىلاردىن تازىلانغان ئىدى.
مۇناسىۋەتلىك خەۋەرلەر
پولشا: زېمىنىمىزغا يادرو قوراللىرىنى ئورۇنلاشتۇرۇشقا تەييارمىز
پولشا ئۆز زېمىنىغا يادرو قوراللىرىنى ئورۇنلاشتۇرۇشقا تەييار ئىكەنلىكىنى بىلدۈردى.