xongkong saqchilirigha yéngi salahiyetler bérildi

xongkong alahide memuri rayonidiki yerlik hökümet, dölet xewpsizlik qanuni dairiside saqchilargha yéngi salahiyetlerning bérilgenlikini uqturdi.

1450411
xongkong saqchilirigha yéngi salahiyetler bérildi

türkiye awazi radiyosi xewiri: xongkong mehelliy hökümitining resmiy gézitide élan qilinghan yéngi xewpsizlik qanunining qoshumche maddilirigha qarighanda, saqchilar «alahide ehwallarda» sot mehkimisining qarari bolmay turupmu öy – makanlarni tekshüreleydiken.

saqchilar yene, tekshürüsh jeryanida kishilerning sheherdin chiqip kétishige cheklime qoyalaydiken, yéngi xewpsizlik qanunigha asasen jinayet teshkil qilidighan köchme we muqim mülükler bilen ularning kirimlirini musadire qilalaydiken.

saqchilar, intérnét mulazimiti bilen teminleydighan shirketler, ijtimaiy taratqu we xewerlishish supiliri bilen bu supilarni ishlitidighan kishilerdin dölet amanliqigha xewp yetküzidighan uchurlarni üchürüp tashlishini we tizginlishini telep qilalaydiken.

saqchilarning teleplirini orundimighan intérnét mulazimiti shirketliri, supilar we kishilerge 100 ming xongkong dolliri (13 ming amérika dolliri etrpida) iqtisadiy yaki bir ayghiche qamaq jazasi bérilidiken.

saqchilar yene, xongkong waliysi karrié lamning maqullishi astida uchur – alaqige mudaxile qilalaydiken, mexpiy közitish we tingshash paaliyetliri bilen shughullinalaydiken.


خەتكۈچ: #saqchi , #xongkong

مۇناسىۋەتلىك خەۋەرلەر