amérikada israiliyening «qoshuwélish» pilanigha naraziliq bildürüldi

amérika qoshma ishtatlirining nyujérsi ishtatida israiliyening ishghali astidiki iyordan deryasining gherbiy qirghiqini özige qoshuwélish pilanigha qarshi namayish ötküzüldi.

1448833
amérikada israiliyening «qoshuwélish» pilanigha naraziliq bildürüldi

türkiye awazi radiyosi xewiri: israiliye hökümitige qarshi ortodoks yehudiylar bilen musulmanlar birlikte ötküzgen namayishta, israiliyening pelestindiki ishghal siyasitige naraziliq bildürüldi.

«pelestinliklerning hayati qimmetlik», «pelestinge erkinlik» dégen xetlerni yézilghan pilakatlarni kötürüwélishqan namayishchilar, israiliyening iyordan deryasining gherbiy qirghiqini qoshuwélish pilanigha qarshi ikenliklirini bildürüshti.

namayishqa pelestin bayriqi kötürgen balilarmu qatnashti.

amérika pirézidénti donald trampning israiliye bash ministiri bunyamin nétanyahu bilen birlikte 28 – yanwarda aqsarayda ötküzgen muxbirlarni kütüwélish yighinida élan qilghan atalmish ottura sherq tinchliq pilanida, gherbiy qirghaqtiki qanunsiz yehudiy olturaq rayonlirining «israiliye zémini» dep étirap qilinishi we tél awiw hökümiti pelestinge tewe iyordan wadisi üstidiki hökümranliqini dawamlashturushi dégendek maddilar bar. amérika we israiliyelik emeldarlardin teshkil tapqan bir komitét, atalmish tinchliq pilanidin kéyin mezkur rayonlarning «qoshuwélinishi» üchün gherbiy qirghaqning xeritisini yéngilap sizish xizmetlirini bashlighanidi.



مۇناسىۋەتلىك خەۋەرلەر