тәрһунәдики коллектип мазарлардин йәнә бир түркүм кишиләрниң җәсәтлири тепилди

ливийә армийәси 5 – ийунда дөләтниң шәрқидики қанунсиз қораллиқ күчләрниң лидири хәлифә һаләтләрдин азад қилған тәрһунә шәһиридин тепилған коллектип мазарлардин йәнә 6 кишиниң җәсити чиқирилди.

1448276
тәрһунәдики коллектип мазарлардин йәнә бир түркүм кишиләрниң җәсәтлири тепилди

түркийә авази радийоси хәвири: ливийә һөкүмити қармиқидики ғайиб болуп кәткүчиләрни издәш вә ениқлаш оргини йазма байанат елан қилип, тәрһунәниң җәнубий четигә җайлашқан әррабит районидики коллектип мазарларни тәкшүрүш хизмәтлири җәрйанида түнүгүн йәнә 6 кишиниң җәситиниң тепилғанлиқини уқтурди.

әррабит районидики коллектип мазарлардин һазирғичә 30 адәмниң җәсити вә қалдуқлири тепилди.

һафтәр қораллиқлири пайтәхт траблусқа қаратқан һуҗумлири әснасида уда  14 ай бойичә һәрикәт вә арқа сәп мәркизи қилип пайдиланған тәрһунә шәһири ливийә армийәси тәрипидин қутқузулғандин кейин, ливийә даирилири, шәһәр вә шәһәр әтрапидин 11 айрим коллектип мазарниң тепилғанлиқини уқтурғаниди.

хәлқара җинайи ишлар сот мәһкимиси 22 – ийунда байанат берип, тәрһунә вә униң әтрапидин 11 коллектип мазарниң тепилғанлиқи тоғрисида хәлқара җинайи ишлар сот мәһкимиси тәптиш оргиниға ишәнчлик учурларниң йетип кәлгәнликини билдүргәниди.



مۇناسىۋەتلىك خەۋەرلەر