қатар әмири ал сани әрдоғанниң зийаритидин кейин түрк - әрәб мунасивити тоғрисида байанат бәрди

қатар әмири шәйх тәмим билән һәмәд ал сани, әрәбләр билән түркләр оттурисидики ортақ мәдәнийәт мирасиниң, районниң муқимлиқи вә тәрәққийати үчүн иҗабий һәмкарлиқ муһити йаратқанлиқини әскәртти.

1448286
қатар әмири ал сани әрдоғанниң зийаритидин кейин түрк - әрәб мунасивити тоғрисида байанат бәрди

түркийә авази радийоси хәвири: қатар әмири шәйх тәмим билән һәмәд ал сани җумһур рәис рәҗәп таййип әрдоғанниң қатарниң пайтәхти доһадики зийаритидин кейин тивиттер адреси арқилиқ байанат берип, әрдоғанниң зийарити, шундақла қатар вә түркийә хәлқлири оттурисидики мунасивәтләрниң чоңқурлуқиға ишарәт қилған ал сани, «әрәбләр билән түркләр оттурисидики ортақ мәдәнийәт мираси вә җуғрапийәлик йеқинлиқ районниң муқимлиқи вә тәрәққийатиға иҗабий күч беғишлимақта؛ инсанийәт тәрәққийати үчүнму кәм – котисиз төһпә қошмақта» дегәнләрни қәйт қилди.

қатар рәсмий хәвәр агентлиқи – қнаниң әрдоғанниң зийарити тоғрисидики хәвиридиму, икки лидерниң, пәләстин, ливийә, сүрийә вә йәмәндики муһим өзгиришләр тоғрисида сөзләшкәнлики вә икки үчүн ортақ әһмийәткә игә хәлқаралиқ мәсилиләр тоғрисида пикир алмаштурғанлиқи әскәртилди.

лидерларниң икки дөләт мунасивәтлирини барлиқ саһәләр бойичә техиму йуқири пәллигә көтүрүш ирадисини тәкитләп өткәнлики билдүрүлгән хәвәрдә, болупму иқтисад, сода, селинма, енергийә вә мудапиә саһәлиридики ортақ мәнпәәтләргә алақидар мәсилиләрниң муһакимә қилинғанлиқи қәйт қилинди.



مۇناسىۋەتلىك خەۋەرلەر