зариф һәм американи, һәм б д т хәвпсизлик кеңишини әйиблиди

зариф б д т хәвпсизлик кеңишиниң қануний әмәс, бәлки бир сийасий органға айлинип қалғанлиқини  илгири сүрди.

1446715
зариф һәм американи, һәм б д т хәвпсизлик кеңишини әйиблиди

түркийә авази радийоси хәвири: иран ташқи ишлар министири зариф б д т хәвпсизлик кеңишиниң иран темилиқ синлиқ йиғинидики нутуқида, американи хәлқара қанунға тохтимай хилаплиқ қилди, дәп әйиблиди вә б д т хәвпсизлик кеңишиниң вашингтон һөкүмитини әйибләш үчүн йиғин ачмиғанлиқини тәнқид қилди.

зариф б д т хәвпсизлик кеңишиниң көп тәрәплимилик сийасәтләрниң орниға бир тәрәплимә сийасәтләргә әһмийәт беридиған болса, қанунниң үстүнликидин арқиға даҗиған болидиғанлиқини тәкитләп, «америка 2231  - номурлуқ қарарни өзгәртиш, әйибләшни дәлилләш вә йалған һөҗҗәтләр билән доклат тәййарлаш үчүн баш катибатлиқ ишханисиға бесим ишләтти» дегәнләрни илгири сүрди.

зариф йавропа иттипақи дөләтлириниму йадро келишимигә әмәл қилмиған дәп әйиблиди.

зариф б д т хәвпсизлик кеңишини қануний әмәс, бәлки бир сийасий орган болуп қилиш билән әйибләп,  йәнә мундақ деди:

«б д т хәвпсизлик кеңишиниң барлиқ йеңи чәклимилири иранға бәргән асасилиқ вәдиләргә зиттур. бундақ әһвалда, биз йадро келишиминиң тәрәплиригә илгири билдүргәнгә охшаш иранниң ениқ таллашлири болиду. буниң нәтиҗисиниң җавабкарлиқиму америка вә униң алдида тизланғанларниң үстидә болиду »

зариф америкини иранға салған зийанни толуқ төләшкә чақирди.

б д т хәвпсизлик кеңишиниң 13 йилдин буйан иранға қарши йолға қойған қорал ембаргоси 2015 - йили имзаланған йадро келишими даирисидә өктәбирдә ахирлишиду.



مۇناسىۋەتلىك خەۋەرلەر