ereb birleshme xelipilikining türkiyege qarshi lobichiliq bilen shughullanghanliqi pash boldi

ereb birleshme xelipilikining, liwiyediki weziyetni eslige qayturush üchün amérika qoshma ishtatlirida türkiyege qarshi lobichiliq bilen shughullanghanliqi pash boldi.

1445936
ereb birleshme xelipilikining türkiyege qarshi lobichiliq bilen shughullanghanliqi pash boldi

türkiye awazi radiyosi xewiri: t r t world qanili, ereb birleshme xelipilikining washingtonda turushluq bash elchisi yusuf eluteybé imzaliq, amérikaning, liwiye hökümiti we uninggha yardem bériwatqan türkiyege mudaxile qilishini telep qilghan bir parche élxétini qolgha chüshürdi.

uteybéning élxétining, ilgiri ereb birleshme xelipiliki elchixansiida ishligen, nöwette bir lobichiliq shirkitide ishleydighan hagér élawad teripidin 22 – iyunda amérikaliq emeldarlargha ewetilgenliki éniqlandi.

élxette, uteybe we ereb birleshme xelipiliki emeldarlirining, amérika hökümiti we armiyesini liwiyediki hökümet küchlirige mudaxile qilishqa qayil qilishqa urunuwatqanliqi ashkara boldi.

xétide, türkiye qollawatqan küchlerning sirtege yéqin yerlergiche ilgiriligenlikini we türk déngiz armiyesi paraxotining liwiye déngiz sahillirigha esker yötkenlikini eskertken uteybe, biz, buni msiirning mesilige mudaxile qilishi üchün meqsetlik qilindi, dep analiz qiliwatimiz, nöwette misir bu ishni estayidil oylishiwatidu» dégenlerni eskertti.

ereb birleshme xelipilikining, misirni liwiye sahesige kirmesliki üchün aylardin buyan tizginlep kelgenlikini ilgiri sürgen uteybe xétide, tom xetler bilen «türkiyening liwiyediki paaliyetliri kontrol qilinmighan teqdirde, weziyetning nahayiti asanla nachardin beterge qarap ilgirleydighanliqi»ni ilgiri süridu.



مۇناسىۋەتلىك خەۋەرلەر