makronning «jawabkarliqni türkiyege dönggeshke urunushi» izchil halda eyibleshlerge uchrimaqta

engliyede chiqidighan «The Independent» géziti, «firansiyening, liwiyening (sherqidiki qanunsiz qoralliq küchlerni lidiri) hafterge qilghan yardimi netijide nachar aqiwetlerni keltürüp chiqirishqa bashlidi» serlewhiside maqale élan qildi.

1445931
makronning «jawabkarliqni türkiyege dönggeshke urunushi» izchil halda eyibleshlerge uchrimaqta

türkiye awazi radiyosi xewiri: borzu daragahi imzaliq mezkur maqalide, firansiye yillardin béri qollap, ilgirilishide muhim rol oynap kelgen hafterning liwiyening gherbide éghir meghlubiyetke uchrishidin kéyin, shamalning tetürige chiqishqa bashlighanliqi qeyt qilindi.

maqalide, ereb birleshme xelipilikige ishinip hafterge meblegh salghan firansiyening, uning meghlubiyitidin kéyin yalghuz qalghanliqi, siyasiy we diplomatik sermayisining paydisini alalmighanliqi tekitlendi.

firansiye pirézidénti émanuél makronning türkiyege qarshi otturigha qoyghan asassiz dewalirighimu orun bérilgen maqalide, «firansuz emeldarlar liwiye siyasitini aqlash üchün türkiyeni eyiblep, külkilik ehwalgha chüshüp qéliwatidu» dégen ibarilerge orun bérildi.

maqalide, liwiye mesilisi bopyiche bir kespiy meslihetchining «firansiye, hafterni shunchilik uzun waqittin buyan qollap kéliwatiduki, emdilikte keynige qandaq dajishni bilelmeywatidu. xataliqlirini tonup yétishning ornigha barliq mesililerning jawabkari süpitide türkiyeni eyiblesh téximu asangha toxtawatidu» dégen qarashlirighimu isharet qilip ötüldi.


خەتكۈچ: #liwiye , #firansiye , #türkiye

مۇناسىۋەتلىك خەۋەرلەر