dunya sehiye teshkilati: eng nachar (künler) téxi kelmidi

dunya sehiye teshkilati bashliqi doktor tédros adanom gébréyus wuxen wirusi (kowid – 19) toghrisida toxtilip, «eng nachar (künler) téxi kelmidi» dédi.

1445925
dunya sehiye teshkilati: eng nachar (künler) téxi kelmidi

türkiye awazi radiyosi xewiri: gébréyus dunya sehiye teshkilatining shiwitsariyening jenwediki bash orginida ötküzülgen sin körünüshlük muxbirlarni kütüwélish yighinida söz qilip, nurghun döletlerning misli körülmigen tedbirlerni qollinip, wirusning tarqilishini tizginlep, kishilerning hayatini qoghdap qélish yolida misli körülmigen tedbirlerni yolgha qoyghanliqini tekitligen halda «bu tedbirler wirusning tarqilishini astilitishta muweppeqiyetlik boldi. emma u uni pütünley toxtitalmidi. bezi döletler özlirining iqtisadliri we jemiyetlirini qaytidin échishqa bashlighachqa, qaytidin yuqumgha duchar bolmaqta. wirusning hélihem tarqilidighan nurghun jayliri bar. biz hemmimiz turmushimizni toxtap qalghan yéridin dawamlashturushni xalaymiz. emma qiyin heqiqet shuki, bu yuqum téxi axirlishishqa yéqinlashmidi» dédi.

«gerche nurghun döletler melum ilgirileshlerni qolgha keltürgen bolsimu, eslide yuqumning dunya miqyasidiki tarqilish süriti tézlishiwatidu» dégen gébréyus, dunyaning yuqum sewebidin nurghun nersidin ayrilip qalghanliqini, biraq ümidini yoqitip qoymasliqi kéreklikini sözlirige ilawe qildi.



مۇناسىۋەتلىك خەۋەرلەر