дунйа сәһийә тәшкилати: әң начар (күнләр) техи кәлмиди

дунйа сәһийә тәшкилати башлиқи доктор тедрос аданом гебрейус вухән вируси (ковид – 19) тоғрисида тохтилип, «әң начар (күнләр) техи кәлмиди» деди.

1445925
дунйа сәһийә тәшкилати: әң начар (күнләр) техи кәлмиди

түркийә авази радийоси хәвири: гебрейус дунйа сәһийә тәшкилатиниң шивитсарийәниң җәнвәдики баш оргинида өткүзүлгән син көрүнүшлүк мухбирларни күтүвелиш йиғинида сөз қилип, нурғун дөләтләрниң мисли көрүлмигән тәдбирләрни қоллинип, вирусниң тарқилишини тизгинләп, кишиләрниң һайатини қоғдап қелиш йолида мисли көрүлмигән тәдбирләрни йолға қойғанлиқини тәкитлигән һалда «бу тәдбирләр вирусниң тарқилишини астилитишта мувәппәқийәтлик болди. әмма у уни пүтүнләй тохтиталмиди. бәзи дөләтләр өзлириниң иқтисадлири вә җәмийәтлирини қайтидин ечишқа башлиғачқа, қайтидин йуқумға дучар болмақта. вирусниң һелиһәм тарқилидиған нурғун җайлири бар. биз һәммимиз турмушимизни тохтап қалған йеридин давамлаштурушни халаймиз. әмма қийин һәқиқәт шуки, бу йуқум техи ахирлишишқа йеқинлашмиди» деди.

«гәрчә нурғун дөләтләр мәлум илгириләшләрни қолға кәлтүргән болсиму, әслидә йуқумниң дунйа миқйасидики тарқилиш сүрити тезлишиватиду» дегән гебрейус, дунйаниң йуқум сәвәбидин нурғун нәрсидин айрилип қалғанлиқини, бирақ үмидини йоқитип қоймаслиқи керәкликини сөзлиригә илавә қилди.



مۇناسىۋەتلىك خەۋەرلەر