белгийә падишаһи филип дөлитиниң мустәмликичилик өтмүшидин азаблинидиғанлиқини ейтти

белгийә падишаһи филип дөлитиниң мустәмликичилик өтмүшидин «чоңқур қайғу» һес қилғанлиқини елан қилди.

1446131
белгийә падишаһи филип дөлитиниң мустәмликичилик өтмүшидин азаблинидиғанлиқини ейтти

түркийә авази радийоси хәвири: белгийәдә чиқидиған йуқири траҗлиқ франсозчә «Le Soir» гезитиниң хәвәр қилишичә, падишаһ филип конго демократик җумһурийити  мустәқиллиқиниң 60 – йиллиқини тәбрикләш мунасивити билән пирезидент феликс тшесекедиға мәктуп йоллиған.

падишаһ филип мәктупта һазирқи икки дөләт мунасивитини техиму тәрәққий қилдуруш үчүн «өтмүш» ни сөзлишишниң лазимлиқини тәкитлигән.

падишаһ филип конго демократик җумһурийити билән белгийәниң тарихи өтмүшидики утуқлириниң «азаблиқ» дәврләрниму өз ичигә алидиғанлиқини билдүрүп, «өтмүштики ортақ әслимимиздә сақлиниватқан бәзи зораванлиқ вәқәлири билән биргә, зулумға шаһитлиқларму бар» деди.

падишаһ филип: «мән өтмүштә йү бәргән азаб-оқубәтләргә болған чоңқур қайғу-һәсрәтлиримни билдүрүшни халаймән» деди.

падишаһ өзиниң һәр хил ирқчилиққа қарши туридиғанлиқини тәкитләп, белгийә парламентиниң мустәмликичилик өтмүшини тәтқиқ қилиш хизмитини қоллиғанлиқини қәйт қилди.

гәрчә падишаһ филип мәктубида кәчүрүм соримиған болсиму, әмма белгийә падишаһ җәмәтидин дөлитиниң конгодики мустәмликичилик өтмүши һәққидә байанат елан қилған тунҗи падишаһқа айланди.

белгийәниң конгодики мустәмликә өтмүшиниң символи болған падишаһ 2- леополд өзиниң мал-мүлки дәп елан қилған конгони қанчилиған йилларғичә булаң-талаң қилип, милйонлиған инсанниң өлтүрүлишигә сәвәб болған қатиларчә қилмишлири билән вақитниң өтүшигә әгишип «конго қассапи» дәп нам алған иди.

конго 1960-йили белгийәдин мустәқил болуп, конго демократик җумһурийитигә айланған иди.



مۇناسىۋەتلىك خەۋەرلەر