amérikada yuqum qaytidin köpiyishke bashlidi

dunya miqyasida wuxen wirusi (Kovid-19) sewebidin jénidin ayrilghanlar sani 504 ming 630 din, yuqumlanghanlar sani 10 milyon 259 ming 381 din we salametliki yaxshilanghanlarning sani 5 milyon 563 ming 327 din ashti.

1445248
amérikada yuqum qaytidin köpiyishke bashlidi
kovid covid korona corona
kovid corona.JPG

türkiye awazi radiyosi xewiri: wuxen wirusi sewebidin 128 ming 451 adem jénidin ayrilghan we wabaning merkizige aylanghan amérikada, sehiye ministiri aléks azar (Alex Azar) yéqinqi künlerde wuxen wirusi yuqumlanghanlar sanining qaytidin örleshke bashlighanliqini éytti.

u bolupmu döletning jenubigha we gherbige jaylashqan ishtatlarda wuxen wirusigha munasiwetlik weqe sanining téz sürette éshiwatqanliqini bildürüp: «hazir dölet bir qanche ay burunqi yuqum yuqiri pellige yetken mezgilge oxshimaydu. wakséna we dawalash tetqiqatliri ilgirilewatidu, biraq yuqumning tarqilishini astilatqan dewr yoqiliwatidu» dédi.

amérikada yuqum sewebidin xelqning iqtisadiy qiyinchiliqlargha duch kéliwatqanliqini, emma bay kishilerning téximu béyighanliqi qeyt qilinmaqta. resmiy reqemlerge asaslanghanda, amérikada yuqum otturigha chiqqandin bashlap 45 milyon kishi ishsizliqqa iltimas sunghan. merkizi washingotngha jaylashqan siyaset tetqiqatliri inistituti forbés (Forbes) ning reqemlirige asasen élan qilghan melumatlarda, 2020-yili 18-marttin 17-iyunghiche 614 milyardér 584 milyard dollar tapqan.

amérikada 2 milyon 637 ming 77 kishi wuxen wirusi bilen yuqumlandi.

engliyede wuxen wirusi sewebidin jénidin ayrilghanlar sani 43 ming 575 ke yetti. yuqumlanghanlar sani bolsa, 311 ming 151 ge chiqti.

italiyede yéqinqi 24 saette wuxen wirusi sewebidin 22 kishi jénidin ayrildi. buning bilen, jemiy jénidin ayrilghanlar sani 34 ming 738 ge chiqti. yuqumlanghanlar sani 155 kishi aziyip, 16 ming 618 ge töwenlidi. yéqinqi 24 saette 174 kishi yuqumlandi.

ispaniye sehiye ministirliqi yéqinqi bir heptide wuxen wirusi sewebidin 13 kishining jénidin ayrilghanliqini, buning bilen jemiy jénidin ayrilghanlar sanining 28 ming 343 ke chiqqanliqini؛ yéqinqi 24 saette yuqumlanghanlar sanining 118 kishi köpiyip, 248 ming 770 ke chiqqanliqini élan qildi.

portugaliyede yéqinqi 24 saette wuxen wirusi sewebidin jénidin ayrilghanlar sani üch kishi köpiyip, jemiy san 1 ming 564 ke, yuqumlanghanlar sani 457 kishi köpiyip 41 ming 646 ge chiqti.

gérmaniyede wuxen wirusi sewebidin jénidin ayrilghanlar sani 9 ming 29 gha, yuqumlanghanlar sani 194 ming 900 gha chiqti.

türkiye chet eldiki türkler we qérindash xelqler idarisi we yawropa trabzon köprübashliqlar jemiyiti shimaliy rén wéstfalya ishtati noyghad (Neurade) tiki 65 yashtin yuqiri kishilerge 200 bolaq dizinféksiye suyuqluqi tarqatti.

jenubiy amérika qitesige jaylashqan biraziliyede wuxen wirusi sewebidin jénidin ayrilghanlar sani 57 ming 659 gha chiqti.


خەتكۈچ: #wuxen wirusi , #amérika , #yuqum

مۇناسىۋەتلىك خەۋەرلەر