америкада йуқум қайтидин көпийишкә башлиди

дунйа миқйасида вухән вируси (Kovid-19) сәвәбидин җенидин айрилғанлар сани 504 миң 630 дин, йуқумланғанлар сани 10 милйон 259 миң 381 дин вә саламәтлики йахшиланғанларниң сани 5 милйон 563 миң 327 дин ашти.

1445248
америкада йуқум қайтидин көпийишкә башлиди
kovid covid korona corona
kovid corona.JPG

түркийә авази радийоси хәвири: вухән вируси сәвәбидин 128 миң 451 адәм җенидин айрилған вә вабаниң мәркизигә айланған америкада, сәһийә министири алекс азар (Alex Azar) йеқинқи күнләрдә вухән вируси йуқумланғанлар саниниң қайтидин өрләшкә башлиғанлиқини ейтти.

у болупму дөләтниң җәнубиға вә ғәрбигә җайлашқан иштатларда вухән вирусиға мунасивәтлик вәқә саниниң тез сүрәттә ешиватқанлиқини билдүрүп: «һазир дөләт бир қанчә ай бурунқи йуқум йуқири пәллигә йәткән мәзгилгә охшимайду. ваксена вә давалаш тәтқиқатлири илгириләватиду, бирақ йуқумниң тарқилишини астилатқан дәвр йоқиливатиду» деди.

америкада йуқум сәвәбидин хәлқниң иқтисадий қийинчилиқларға дуч келиватқанлиқини, әмма бай кишиләрниң техиму бейиғанлиқи қәйт қилинмақта. рәсмий рәқәмләргә асасланғанда, америкада йуқум оттуриға чиққандин башлап 45 милйон киши ишсизлиққа илтимас сунған. мәркизи вашинготнға җайлашқан сийасәт тәтқиқатлири иниститути форбес (Forbes) ниң рәқәмлиригә асасән елан қилған мәлуматларда, 2020-йили 18-марттин 17-ийунғичә 614 милйардер 584 милйард доллар тапқан.

америкада 2 милйон 637 миң 77 киши вухән вируси билән йуқумланди.

әнглийәдә вухән вируси сәвәбидин җенидин айрилғанлар сани 43 миң 575 кә йәтти. йуқумланғанлар сани болса, 311 миң 151 гә чиқти.

италийәдә йеқинқи 24 саәттә вухән вируси сәвәбидин 22 киши җенидин айрилди. буниң билән, җәмий җенидин айрилғанлар сани 34 миң 738 гә чиқти. йуқумланғанлар сани 155 киши азийип, 16 миң 618 гә төвәнлиди. йеқинқи 24 саәттә 174 киши йуқумланди.

испанийә сәһийә министирлиқи йеқинқи бир һәптидә вухән вируси сәвәбидин 13 кишиниң җенидин айрилғанлиқини, буниң билән җәмий җенидин айрилғанлар саниниң 28 миң 343 кә чиққанлиқини؛ йеқинқи 24 саәттә йуқумланғанлар саниниң 118 киши көпийип, 248 миң 770 кә чиққанлиқини елан қилди.

португалийәдә йеқинқи 24 саәттә вухән вируси сәвәбидин җенидин айрилғанлар сани үч киши көпийип, җәмий сан 1 миң 564 кә, йуқумланғанлар сани 457 киши көпийип 41 миң 646 гә чиқти.

германийәдә вухән вируси сәвәбидин җенидин айрилғанлар сани 9 миң 29 ға, йуқумланғанлар сани 194 миң 900 ға чиқти.

түркийә чәт әлдики түркләр вә қериндаш хәлқләр идариси вә йавропа трабзон көпрүбашлиқлар җәмийити шималий рен вестфалйа иштати нойғад (Neurade) тики 65 йаштин йуқири кишиләргә 200 болақ дизинфексийә суйуқлуқи тарқатти.

җәнубий америка қитәсигә җайлашқан биразилийәдә вухән вируси сәвәбидин җенидин айрилғанлар сани 57 миң 659 ға чиқти.



مۇناسىۋەتلىك خەۋەرلەر