bélgiyede israiliyening «qoshuwélish» pilanigha qarshi namayish ötküzüldi

bélgyening paytexti biryussélda israiliyening ishghali astidiki gherbiy qirghaqqa berpa qilinghan qanunsiz yehudiy olturaq rayonliri we iyordan wadisini «qoshuwilish» pilanigha naraziliq bildürüldi.

1445130
bélgiyede israiliyening «qoshuwélish» pilanigha qarshi namayish ötküzüldi

türkiye awazi radiyosi xewiri: bir qatar organlarning chaqiriqigha asasen biryusséldiki amérika elchixanisigha yéqin tron meydanigha toplanghan yüzlerche paaliyetchi, israiliyege qarshi shoarlarni towlidi.

«yashisun pelestin», «pelestin zéminlirini qoshuwélishqa bolmaydu», «israiliye mustemlike qilmaqta, pelestin azab tartmaqta» we «berdashliq ber, pelestin» dégen xetler yézilghan pilakatlarni kötürüwélishqan namayishchilar, israiliyege jaza yürgüzülüshini telep qildi, pelestin bayraqliri chiqirilghan namayish jeryanida saqchilar bixeterlik tedbirlirini kücheytti.

amérika pirézidénti donald trampning israiliye bash ministiri bunyamin nétanyahu bilen birlikte 28 – yanwarda aqsarayda ötküzgen muxbirlarni kütüwélish yighinida élan qilghan atalmish ottura sherq tinchliq pilanida, gherbiy qirghaqtiki qanunsiz yehudiy olturaq rayonlirining «israiliye zémini» dep étirap qilinishi we tél awiw hökümiti pelestinge tewe iyordan wadisi üstidiki hökümranliqini dawamlashturushi dégendek maddilar bar. amérika we israiliyelik emeldarlardin teshkil tapqan bir komitét, atalmish tinchliq pilanidin kéyin mezkur rayonlarning «qoshuwélinishi» üchün gherbiy qirghaqning xeritisini yéngilap sizish xizmetlirini bashlighanidi.



مۇناسىۋەتلىك خەۋەرلەر