rusiye talibangha afghanistandiki amérika eskerlirini öltürüsh üchün mexpiy pul teklipi sundimu?

aqsaray rusiyening taliban unsurlirigha afghanistandiki amérika eskerlirini we ittipaqdash qisimlarni öltürüsh üchün mexpiy pul teklip qilghanliqi toghrisidiki istixbarat heqqide amérika pirézidénti donald trampqa doklat bérilmigenlikini élan qildi.

1444743
rusiye talibangha afghanistandiki amérika eskerlirini öltürüsh üchün mexpiy pul teklipi sundimu?

türkiye awazi radiyosi xewiri: «nyu-york waqit géziti» mezkur istixbaratning mart éyida amérika pirézidénti donald trampqa we dölet bixeterlik kéngishige doklat qilinghanliqini ilgiri surgen idi.  

buninggha qarita aqsaray bayanatchisi keyléy makénniy bayanat élan qildi.

makénniy amérikaning bir künde nechche minglighan istxibarat tapshuruwalidighanliqini we bularning estayidil tekshürülidighanliqini bildürüp, «biz mezkur istixbaratlar toghrisida bayanat élan qilip yürmeymiz, biraq « nyu-york waqit géziti »ning trampqa bu heqte doklat bérilgenlikige dair xewiri heqiqetni eks ettürmeydu» dédi.

«nyu-york waqit géziti» amérika istixbarat xadimlirini we bayqashlirini menbe qilghan xewiride, yawropadiki qestlep öltürüsh urunushliri bilenmu chétishliqi bolghan rusiye istixbarat orginining taliban qoralliq unsurlirigha afghanistandiki amérika eskerlirini öltürüsh üchün pul teklipi sunghanliqi eskertilgen idi.

xewerde amérika mesulliri menbe körsitilip, rusiyening amérika eskerlirini öltürüsh üchün taliban unsurlirigha pul teklipi sunghanliqi heqqidiki melumatlarni nazaretke élinghan taliban ezalirining soraq qilish jeryanida éytip bergenliki ilgiri sürülgen idi.

mezkur istixbaratning mart éyida amérika pirézidénti donald trampqa we dölet bixeterlik kéngishige doklat qilinghanliqi tekitlengen xewerde yene, alaqidar rehberlerning moskwa dairilirige diplomatik nota bérishtin tartip,  bezi émbargolarni yolgha qoyushqa qeder bir türküm  tallashlarni muzakire qilghanliqi qeyt qilinghan idi.


خەتكۈچ: #amérika , #taliban , #rusiye

مۇناسىۋەتلىك خەۋەرلەر