русийә талибанға афғанистандики америка әскәрлирини өлтүрүш үчүн мәхпий пул тәклипи сундиму?

ақсарай русийәниң талибан унсурлириға афғанистандики америка әскәрлирини вә иттипақдаш қисимларни өлтүрүш үчүн мәхпий пул тәклип қилғанлиқи тоғрисидики истихбарат һәққидә америка пирезиденти доналд трампқа доклат берилмигәнликини елан қилди.

1444743
русийә талибанға афғанистандики америка әскәрлирини өлтүрүш үчүн мәхпий пул тәклипи сундиму?

түркийә авази радийоси хәвири: «нйу-йорк вақит гезити» мәзкур истихбаратниң март ейида америка пирезиденти доналд трампқа вә дөләт бихәтәрлик кеңишигә доклат қилинғанлиқини илгири сургән иди.  

буниңға қарита ақсарай байанатчиси кәйлей макенний байанат елан қилди.

макенний американиң бир күндә нәччә миңлиған истхибарат тапшурувалидиғанлиқини вә буларниң әстайидил тәкшүрүлидиғанлиқини билдүрүп, «биз мәзкур истихбаратлар тоғрисида байанат елан қилип йүрмәймиз, бирақ « нйу-йорк вақит гезити »ниң трампқа бу һәқтә доклат берилгәнликигә даир хәвири һәқиқәтни әкс әттүрмәйду» деди.

«нйу-йорк вақит гезити» америка истихбарат хадимлирини вә байқашлирини мәнбә қилған хәвиридә, йавропадики қәстләп өлтүрүш урунушлири биләнму четишлиқи болған русийә истихбарат оргининиң талибан қораллиқ унсурлириға афғанистандики америка әскәрлирини өлтүрүш үчүн пул тәклипи сунғанлиқи әскәртилгән иди.

хәвәрдә америка мәсуллири мәнбә көрситилип, русийәниң америка әскәрлирини өлтүрүш үчүн талибан унсурлириға пул тәклипи сунғанлиқи һәққидики мәлуматларни назарәткә елинған талибан әзалириниң сорақ қилиш җәрйанида ейтип бәргәнлики илгири сүрүлгән иди.

мәзкур истихбаратниң март ейида америка пирезиденти доналд трампқа вә дөләт бихәтәрлик кеңишигә доклат қилинғанлиқи тәкитләнгән хәвәрдә йәнә, алақидар рәһбәрләрниң москва даирилиригә дипломатик нота бериштин тартип,  бәзи ембарголарни йолға қойушқа қәдәр бир түркүм  таллашларни музакирә қилғанлиқи қәйт қилинған иди.



مۇناسىۋەتلىك خەۋەرلەر