afriqada wirus sewebidin jénidin ayrilghanlar köpiyishke bashlidi

dunya miqyasida wuxen wirusi(Kovid-19) sewebidin jénidin ayrilghanlar sani 492 ming 395 tin, yuqumlanghanlar sani 9 milyon 739 ming 552 din we salametliki yaxshilanghanlar sani 5 milyon 272 mingdin ashti.

1443691
afriqada wirus sewebidin jénidin ayrilghanlar köpiyishke bashlidi

türkiye awazi radiyosi xewiri: afriqa qiteside wuxen wirusi sewebidin jénidin ayrilghanlar sani 9 ming 103 ge chiqti.

misirda wuxen wirusi sewebidin 2 ming 553 kishi jénidin ayrildi. misir bu jehette afriqa qiteside birinchi orunda turdi.

nigériyede yéqinqi 24 saette yette kishining wuxen wirusi sewebidin jénidin ayrilishi bilen, jemiy jénidin ayrilghanlar sani 549 gha, yuqumlanghanlar sani 22 ming 614 ke chiqti.

jenubiy afriqada 2 ming 292 kishi, aljiriyede 878 kishi wuxen wirusi sewebidin jénidin ayrildi. yuqumlanghanlar sani jehette jenubiy afriqa 118 ming 375 san bilen birinchi orunda turdi. misirda 61 ming 130 kishi yuqumlandi.

afriqa qiteside wuxen wirusi bilen yuqumlinip salametliki yaxshilanghanlarning sani 168 mingdin ashti. éritréye, uganda, nambiye we lésoto we séyshél qatarliq döletlerde wuxen wirusigha munasiwetlik ölümlerning yüz bermigenliki bildürüldi.

wuxen wirusi sewebidin 4 ming 634 kishi jénidin ayrilghan xitayda, shangxeyde ikki, béyjingda 11 bolup, jemiy 13 kishide wirus bayqaldi. wuxen wirusigha munasiwetlik yéngi ölüm weqesi bildürülmidi. jemiy yuqumlanghanlar sani 83 ming 462 ge chiqti.

wuxen wirusi otturigha chiqqandin buyan hazirghiche 282 kishi jénidin ayrilghan jenubiy koréyede, yéqinqi 24 saette 39 kishi yuqumlandi, ölüm weqesi körülmidi. bu dölette jemiy yuqum sani 12 ming 602 ge chiqti.

hindistanda yéqinqi 24 saette 407 kishining wuxen wirusi sewebidin jénidin ayrilishi bilen, jemiy san 15 ming 308 ge chiqti. 17 ming 296 kishining yéngidin yuqumlinishi bilen, jemiy yuqumlanghanlar sani 491 ming 170 ke chiqti.

ereb birleshme xelipiliki wuxen wirusigha qarshi turushta hemkarliq ornitish ramkisida, isirailiyege 100 ming dane diyagnoz üskünisi ewetti.

rusiyede yéqinqi bir künde 176 kishi wuxen wirusi sewebidin jénidin ayrildi we jemiy jénidin ayrilghanlar sani 8 ming 781 ge, 6 ming 800 kishining yéngidin yuqumlinishi bilen, jemiy yuqumlanghanlar sani 620 ming 794 ke chiqti.  künlük yuqum sani yéqinqi ikki ayda tunji qétim 7 mingning astigha chüshti.

yawro-asiya döletliridimu wuxen wirusigha munasiwetlik weqeler köpeymekte.

qirghizistanda wuxen wirusigha munasiwetlik weqeler sanining köpiyishi sewebidin, bu hepte axiri taksi we ammiwi qatnash toxtitilidu.

qirghizistan bash ministiri qubatbék boronow bishkek bilen osh sheherliride we chuy rayonlirida yuqum ehwalining barghanséri nacharlishiwatqanliqini, emma hazirche jiddiy haletni qayta yürgüzüshke kérek yoqluqini bildürdi.

iranda 10 ming 239 kishi wuxen wirusi sewebidin jénidin ayrildi, 217 ming 724 kishi yuqumlandi.

bezi döletlerdiki wuxen wirusigha munasiwetlik ölüm sanliri töwendikiche:

pakistan 3 ming 962, hindonéziye 2 ming 620, bangladish 1 ming 621, seudi erebistan 1 ming 428 we qatar 106.



مۇناسىۋەتلىك خەۋەرلەر