riyad elmaliki israiliyeni agahlandurdi

pelestin tashqi ishlar ministiri riyad elmaliki, israiliyeni ishghal astidiki gherbiy qirghaqni qoshuwélishining keltürüp chiqiridighan aqiwetlirining bolidighanliqini éytip agahlandurdi.

1442782
riyad elmaliki israiliyeni agahlandurdi

türkiye awazi radiyosi xewiri: pelestin tashqi ishlar ministiri riyad elmaliki birleshken döletler teshkilati (b d t) xewpsizlik kéngishide söz qilip, xelqara jemiyetni israiliyeni qoshuwélish pilanidin waz kechtürüsh üchün herxil jazalarni öz ichige alghan «ünümlük tedbirler»ni qollinishqa chaqirdi.

qoshuwélishning jinayet ikenlikini we israiliye – pelestin munasiwetlirini qaytish mumkin bolmaydighan bir yolgha kirgüzüp qoyidighanliqini bildürgen maliki, «israiliye qoshuwélishning téz keltürüp chiqiridighan aqiwetlirining bolidighanliqini bilishi kérek» dédi.

u yene barliq döletlerni pelestinni étirap qilishqa chaqirip, «hemme dölet bek kéchikip ketmestin yönilishni özgertish, israiliye ishghalini toxtitish we ikki döletlik hel qilish charisini qutquzup qélishqa yardemchi bolidighan küchke ige » dégenlerni qeyt qildi.



مۇناسىۋەتلىك خەۋەرلەر