tél awiwda israiliye «qoshuwélish» pilanigha qarshi namayish ötküzüldi
israiliye dairilirining ishghal astidiki gherbiy qirghaq (iyordan deryasining gherbiy qirghiqi)tiki qanunsiz yehudiy ahaliler rayonliri bilen iyordan wadisini «qoshuwélish» pilanigha qarshi tél awiwda namayish ötküzüldi.
türkiye awazi radiyosi xewiri: israiliye bayraqlirini kötürüwalghan namayishchilarning beziliri, bash ministir bunyamin nétanyahuni közde tutqan halda «jinayet bash ministiri» dégen xet yézilghan maskilarni taqidi.
namayishchilar, «pelestinliklerning hayatliri qimmetliktur», «pelestinge erkinlik» we «qoshuwélishqa bolmaydu» dégen pilakatlarni kötürüp mangdi.
amérika pirézidénti donald trampning israiliye bash ministiri bunyamin nétanyahu bilen birlikte 28 – yanwarda aqsarayda ötküzgen muxbirlarni kütüwélish yighinida élan qilghan atalmish ottura sherq tinchliq pilanida, gherbiy qirghaqtiki qanunsiz yehudiy olturaq rayonlirining «israiliye zémini» dep étirap qilinishi we tél awiw hökümiti pelestinge tewe iyordan wadisi üstidiki hökümranliqini dawamlashturushi dégendek maddilar bar. amérika we israiliyelik emeldarlardin teshkil tapqan bir komitét, atalmish tinchliq pilanidin kéyin mezkur rayonlarning «qoshuwélinishi» üchün gherbiy qirghaqning xeritisini yéngilap sizish xizmetlirini bashlighanidi.