әрәбистан вә бирма армийәлириниң қайтидин «номус тизимлики» гә киргүзүлүши тәләп қилинди

кишилик һоқуқни көзитиш тәшкилати, хәлқара кәчүрүм тәшкилати қатарлиқларни өз ичигә алған 24 иҗтимаий орган, бирләшкән дөләтләр тәшкилати (б д т) ни сәуди әрәбистан вә бирма армийәлирини қайтидин «номус тизимлики» гә киргүзүшкә чақирди.

1441478
әрәбистан вә бирма армийәлириниң қайтидин «номус тизимлики» гә киргүзүлүши тәләп қилинди

түркийә авази радийоси хәвири: 24 кишилик һоқуқ вә иҗтимаий орган тәрипидин елан қилинған бирләшмә байанатта, б д т баш катипи антонио гутерресниң, йәмәндә балилар өлүминиң җавабкари дәп қариливатқан сәуди әрәбистан билән бала әскәрләрни ишливатқан бирма армийәсиниң «номус тизимлики» дегән нам билән тонулған «қара тизимлик»тин чиқириветишиниң үмидсизлик пәйда қилғанлиқи тилға елип өтүлди.

сәуди әрәбистанниң өткән йили йәмәндә 222 балиниң мейип болуп қелишиға, бирма армийәсиниңму 200 дин артуқ балини әскәр қилип ишләткән болушиға қаримай, б д т ниң номус тизимликидин чиқириветилгәнликигә ишарәт қилинған байанатта, гутеррес, сәуди әрәбистан билән бирма армийәлирини қайтидин «номус тизимлики» гә киргүзүшкә чақирилди.

б д т, өткән йили уруш вә тоқунуш районлирида 25 миң қетимдин көп балилар һоқуқиниң дәпсәндә қилинғанлиқини дәлиллигән доклатида, сәуди әрәбистан билән бирма армийәсини «номус тизимлики» дин чиқиривәткәниди.

доклатта, «йәмәндики бирләшмә, һава һуҗумлири, балилар өлүмлири вә йарилинишлардики көрүнәрлик төвәнләш сәвәбидин бу тизимликтин чиқириветилиду» дегән ибариләргә орун бәргәниди.



مۇناسىۋەتلىك خەۋەرلەر