sisi liwiyege esker yollishi mumkinlikini popoza qildi

türkiye awazi radiyosi xewiri: seudi erebistanning resmiy xewer agéntliqida élan qilinghan bayanatida, «seudi erebistan chégralirini we xelqini qoghdash hoquqi jehette misirning yénida orun alidu we  yardem qilidu» déyildi.

erep birleshme xelipiliki tashqi ishlar ministirliqining bayanatida bolsa, «ereb birleshme xelipiliki muqimliqi we bixeterlikige kapaletlik qilish üchün misirning qilidighan barliq heriketliride yénida orun alidu» déyildi.

bayanatta, qahire dairilirining liwiyeliklerning qéni aqmasliqi we birleshken döletler teshkilatining himayiside siyasiy muzakirilerning bashlinishi üchün urush toxtitish sharaiti yaritishni nishan qilip tirishiwatqanliqi ilgiri sürüldi.

sisi tünügün misirning gherbidiki misir hawa armiye qisimlirini ziyaret qilip, armiyege qilghan xitabida, «misir armiyesi zörür tépilghanda dölet sirtida herbiy xizmet qilalaydu» dégen idi.

sisi «(liwiyening déngiz boyidiki shehiri) sirte we (jenubtiki herbiy bazisigha ige) jufra qizil siziqimizdur. liwiyeni liwiyeliklerdin bashqiliri qoghdisa bolmaydu. biz yardem qilishqa we qollashqa teyyarmiz» dégen hemde armiyege: «chégralirimiz ichide yaki zörür tépilghanda, chégra sirtida, her qandaq wezipini orundashqa teyyarliq qilinglar!» dégen idi.