xitay urush ayropilanliri teywen hawa tewelikige kirdi
teywen xitay armiyesige ait urush ayropilanlirining teywenning hawa mudapiesini perqlendürüsh rayonigha kirgenlikini bildürdi.
türkiye awazi radiyosi xewiri: teywen hawa armiyesi qomandanliq ishtabi teripidin bu heqte élan qilinghan bayanatta mundaq déyildi: «xitaygha ait kem dégende bir dane < J-10> tipliq urush ayropilani hawa mudapiesini perqlendürüsh rayonimizning jenubigha kirdi. agahlandurush bérishimiz we charlash élip bériwatqan razwédka ayropilanlirimizning mudaxilisi netijiside, xitaygha ait urush ayropilani rayonni terk etti.»
xewerde déyilishiche, xitay armiyesige ait urush ayropilanliri yéqinqi ikki hepte ichide uda 6 qétim teywen hawa tewelikige kirgen.
xitayda maw zédung 1949-yili hakimiyet béshigha chiqqandin kéyin, jyang jéshi we hökümetning bir qisim ezaliri teywenge yerliship, 1912 – yili qurulghan «xitay jumhuriyiti» hökümitining aralda hakimiyet yürgüzüshni dawamlashturuwatqanliqini ilgiri sürüp, musteqilliq élan qilghanidi. xitay bolsa buni qobul qilmighanidi.
