gollandiyede israiliyening «qoshuwélish» qararigha naraziliq bildürüldi

gollandiyening paytexti amstérdamda, israiliyening, ishghaliyiti astidiki iyordan deryasining gherbiy qirghiqigha jaylashqan qanunsiz yehudiy ahaliler rayonliri bilen iyordan wadisini «qoshuwélish» pilanigha naraziliq bildürüldi.

1436425
gollandiyede israiliyening «qoshuwélish» qararigha naraziliq bildürüldi

türkiye awrazi radiyosi xewiri: pelestinni qollaydighan oxshash bolmighan ijtimaiy küchler bashqurushidiki organlarning mezkur namayishigha nurghun gollandiyelik bilen herxil az sanliqlarmu ishtirak qildi.

israiliyening 1948 – yilidin buyan qoshuwalghan pelestin zéminliri namayan qilinghan xeritiler we «pelestinliklerning hayatliri qimmetliktur», «irqchiliqni toxtitinglar», (amérikaning minnéapolis ishtatida 25 mayda saqchilarning zorawanliqi netijiside jénidin ayrilghan esli afriqaliq amérika puqrasi jorj floydning nazaret astigha élinish jeryanidiki sözlirige isharet qilinghan halda) «1948 – yilidin buyan tinalmawatimiz» dégen xetler yézilghan pilakatlarni kötürüwalghan namayishchilar, toxtimastin «qoshuwélish»qa qarshi shoarlarni towlidi.

namayishchilar, herxil guruppa we ijtimaiy küchler bashqurushidiki organlarning wekillirining sözlirini «erkin pelestin» we «adalet bolmisa, tinchliqmu yoq» we «boldi bes» dégendek shoarlar arqiliq qollap – quwwetlidi.

amérika pirézidénti donald trampning, israiliye bash ministiri bunyamin nétanyahu bilen 28 – yanwarda aqsarayda ötküzgen muxbirlarni kütüwélish yighinida élan qilghan atalmish ottura sherq tinchliq pilanida, iyordan deryasining gherbiy qirghiqidiki qanunsiz yehudiy turalghuliri rayonlirining «israiliyening zémini» dep qobul qilinishi we tél awiw hökümitining pelestinge tewe iyordan wadisidiki hökümranliqini dawamlashturushi dégendek maddilar bar idi.



مۇناسىۋەتلىك خەۋەرلەر