yemende 95 ming kishi köchüshke mejbur boldi
yemende ichki urush, tebiiy apetler we «wuxen wirusi» sewebidin bu yilning bashliridin tartip hazirghiche texminen 95 ming kishi köchüshke mejbur boldi.
türkiye awazi radiyosi xewiri: xelqara köchmenler teshkilatining yemendiki ish béjirish orni teripidin bu heqte élan qilinghan yazma bayanatta mundaq déyildi: «yemende ichki urush, tebiiy apetler we «wuxen wirusi» sewebidin bu yilning bashliridin tartip hazirghiche, 94 ming 488 kishidin teshkil tapqan aile öy – makanlirini terk étishke mejbur boldi.»
igilinishiche, uzundin buyan siyasiy kirizisni bashtin kechürüwatqan yemende, iran qollawatqan husiylar, 2014 – yili séntebirdin buyan paytext sana we bezi rayonlarni kontrol qilsa, seudi erebistan bashchiliqidiki ittipaqdash küchliri 2015 – yili marttin buyan husiylargha qarshi yemen hökümitige yardem bermekte iken.
birleshken döletler teshkilatining qarishiche, dunya boyiche eng chong insaniy kirizis yüz bériwatqan yemende, nopusning % 80 ti insanperwerlik yardem we qoghdinishqa muhtaj iken.
