xalilzad afghanistanliqlar otturisida muzakirelerning bashlinishini xalaydighanliqlirini éytti
amérikaning afghanistan alahide wekili zalmay xalilzad taliban bilen afghanistanliqlar otturisida muzakirelerning bashlinishigha az qalghanliqini éytti.
1434643
türkiye awazi radiyosi xewiri: amérikaning afghanistan alahide wekili xalilzad twittérda bayanat élan qilip, taliban bilen afghanistan hökümiti otturisida dawamlishiwatqan esirlerni almashturush ishlirining qisqa waqit ichide axirlishishini ümid qilidighanliqlirini bildürdi.
u eng muhim meqsetning afghanistanliqlar otturisida muzakirelerning bashlinishi ikenlikini eskertip, bu meqsetke eng qisqa waqit ichide yétidighanliqlirini qeyt qildi.
u her ikki terepning tinchliq musapisini ajizlitishni xalaydighan bezi kishilerning aldini tosush üchün, birlikte xizmet qilishi kéreklikini we hazirghiche tinchliq üchün qilinghan barliq xizmetlerning ijabiy ikenlikini bildürdi.