israiliye gérmaniye tashqi ishlar ministirining pelestin ziyaritige tosqunluq qildi

israiliye hökümiti yéngi tiptiki tajisiman wirus (Kovid-19) yuqumigha qarshi tedbirlerni bahane qilip, gérmaniye tashqi ishlar ministiri xéyko maasning pelestin ziyaritige tosqunluq qildi.

1432370
israiliye gérmaniye tashqi ishlar ministirining pelestin ziyaritige tosqunluq qildi

türkiye awazi radiyosi xewiri: «harétz géziti» ning isimlirini ashkarilashni xalimaydighan menbelerni asas qilghan xewiride bildürishiche,  maas charshenbe küni israiliyeni ziyaret qilip, israiliye hökümitini gherbiy qirghaqtiqi qanunsiz yehudiy olturaq rayun qurulishi we iyordaniye wadisini bir tereplime «qoshuwélish» pilani heqqide agahlandurghandin kéyin, pelstin terepnimu ziyaret qilmaqchi bolghan.

israiliye bolsa, maasqa kowid -19 yuqumini bahane körsitip, ramallahqa barghan teqdirde, eger israiliyege qaytish üchün tél awiwdiki bén guriyon ayrodurumigha kelgende, uni ikki hepte karantinagha élishqa toghra kélidighanliqi heqqide uchur yollighan.

maas israiliyening bu pozitsiyesi sewebidin ramallahqa bérish qararidin waz kéchip,  pelestin mesulliri bilen israiliye ziyariti jeryanida sin arqiliq körüshüshni qarar qilghan.


خەتكۈچ: #pelestin , #gérmaniye , #israiliye

مۇناسىۋەتلىك خەۋەرلەر