мусиви: иран америка билән мәһбус алмаштурушқа тәййар

иран ташқи ишлар министирлиқи байанатчиси аббас мусиви америка билән мәһбус алмаштурушқа тәййарикәнликини ейтти.

1431564
мусиви: иран америка билән мәһбус алмаштурушқа тәййар

түркийә авази радийоси хәвири: иран ташқи ишлар министирлиқи байанатчиси аббас  мусиви иранниң рәсмий хәвәр агентлиқи «IRNA» билән өткүзгән сөһбитидә, теһран билән вашингтон оттурисидики мәһбус алмаштуруш мәсилиси һәққидә тохталди.

иран билән америка оттурисида ишәнмәслик сипили барлиқини илгири сүргән мусиви, «әгәр йеңи мәһбусларни алмаштуруш мумкинчилики болса, биз буниңға тәййармиз. биз америкида тутуп турилуватқанларниң қойуп берилишини вә дөлитигә қайтип келишини үмид қилимиз». деди.

мусивий иран билән америка оттурисида елип берилидиған сөһбәт үчүн теһран даирилириниң америка президенти доналд трампниң вәзипидин айрилишини күтиватқанлиқи һәққидики хәвәрләр үстидиму  тохтилип, «сайлам американиң ички мәсилисидур, иран америкидики ички өзгириш вә президентлиқ сайлиминиң нәтиҗисини күтмиди һмм  күтмәйду» деди.

америка түрмисидә тутуп туриливатқан мәзгилдә йеңи типтики таҗисиман вируси (Kovid-19) билән йуқумланғандин кейин қойуп берилгән иранлиқ алим сирус әсғәри, 3 - ийун чаршәнбә күни дөлитигә қайтип кәлгән иди.

шуниңдин бир күн кейин, иранда 683 күн түрмидә йатқан америка деңиз амийәси хадими майкел вайтму қойуп берилгән иди.

майкел вайтниң қойуп берилиши билән америкида 16 ай қамалған вә иранға йүргүзүлгән ембарголарға хилаплиқ қилиш билән әйибләнгән иран алими мәҗид таһирму қойуп берилгән иди.

америкиниң йеңи мексика иштатиниң сабиқ башлиқи бил ричардсон мәһбус алмаштуруш үчүн иран ташқи ишлар министири муһәммәд зариқ билән көрүшкәнлики тоғрисида учур һәмбәһирлигән иди.



مۇناسىۋەتلىك خەۋەرلەر