moskwa, türkiye - rusiye munasiwetliri toghrisida bayanat berdi
rusiye, türkiye bilen ornitilghan köp yönilishlik hemkarliqning muhim netijilirining körülgenlikini éytti.
türkiye awazi radiyosi xewiri: rusiye tashqi ishlar ministirliqi bayanatchisi mariya zaxarowa kündilik muxbirlarni kütüwélish yighinida, amérika tashqi ishlar ministirliqi emeldari mattéw palmérning, türkiyening rusiye bolghan hemkarliqni kücheytish we kéngeytish istikidin washingtonning qayghuruwatqanliqi toghrisidiki bayanati toghrisida toxtilip, «(türkiye bilen) ornitilghan köp yönilishlik hemkarliqimizning muhim netijiliri, özara menpeetni tayanch qilghan, bésim we zorlashtin xaliy özara hörmet asasidiki munasiwetler sayisida mumkin boldi» dédi.
washingtonda «özara hörmet» dégen sözning qandaq menini ipadileydighanliqini untulup ketkenlikini bildürgen zaxarowa, türkiye bilen rusiye otturisidiki köp yönilishlik ikki terep munasiwetlirini ülge qilishqa bolidighanliqigha isharet qilip ötti.
rus bayanatchi, süriye weziyiti heqqidimu toxtilip, idlib jiddiychilikni peskuygha chüshürüsh rayonida urush toxtitish kélishimining ijra qiliniwatqanliqini, türk – rus birleshme herbiy charlashlirining dawamlishiwatqanliqini sözlirige ilawe qildi.
