liwiye armiyesi terhune wilayitini kontrol astigha aldi

türkiye awazi radiyosi xewiri: liwiye armiyesi teripidin bu heqte élan qilinghan yazma bayanatta eskertilishiche, armiyege qarashliq herqaysi qisimlar töt tereptin hefter küchlirige qarshi algha ilgirilep, wilayet merkizini kontrol astigha alghan. shuning bilen bir waqitta, terhune shehiride hefterning sepliridin orun alghan xelq eskerliri kattibashliridin riyad elkubeyyirni qolgha chüshürgen, hemde  wilayettin qachqan terhune shehiridiki hefterge qarashliq qaniyat küchlirining izigha chüshken.

hefterge qarashliq xelq eskerliri, trablusning texminen 90 kilométir sherqiy jenubiy qismigha jaylashqan terhune shehirini, paytextke qaratqan hujumlirida herbiy heriket we teminlesh merkizi süpitide ishlitiwatatti.

buningdin bashqa yene, liwiye armiyesi paytext trablusning 100 kilométir jenubidiki giryan shehirige qarashliq orban rayoninimu kontrol astigha aldi.

yene bir tereptin, misrate shehiride hefterge yardem bériwatqan ereb birleshme xelipilikige ait uchquchisiz hawa apparati arqiliq élip bérilghan hawa hujumida, liwiye armiyesining ikki eskiri qaza qildi.

liwiye armiyesi élip bériwatqan «ghezep – nepret wolqini» namliq herbiy heriketning bayanatchisi mustafa elmejaining bildürüshiche, hujumning liwiye armiyesining terhune shehirini kontrol astigha élishi bilen birla waqitta élip bérilishi diqqet qozghaydiken.