bezi gherb döletliridiki yuqum ehwaligha alaqidar toluqlima melumatlar

amérika qoshma ishtatliri «wuxen wirusi» bilen qaza qilghuchilar we yuqumlanghuchilar sani dunya boyiche eng yüksek sewiyege yetken dölet boldi. amérikada yuqum sewebidin qaza qilghanlar omumiy sani 110 ming 256 ge, yuqumlanghuchilar sani bir milyon 926 ming 341 ge yetti.

yuqumning yawropadiki merkizige aylanghan engliyede yuqum sewebidin qaza qilghanlar omumiy sani 40 ming 261 ge, yuqumlanghuchilar sani 281 ming 661 ge yetti.

italiyede yéqinqi 24 saet ichide qaza qilghan 88 kishi bilen qoshqanda, yuqum sewebidin qaza qilghanlar omumiy sani 33 ming 689 gha, yuqumlanghuchilar sani 234 ming 13 ke yetti.

firansiyede yéqinqi 24 saet ichide qaza qilghan 44 kishi bilen qoshqanda, yuqum sewebidin qaza qilghanlar omumiy sani 29 ming 65 ke, yuqumlanghuchilar sani 189 ming 849 gha yetti.

ispaniye sehiye ministirliqi, dölette yéqinqi 24 saet ichide qaza qilghan 5 kishi bilen qoshqanda, yuqum sewebidin qaza qilghanlar omumiy sanining 27 ming 133 ke, yuqumlanghuchilar sanining 240 ming 660 qa yetkenlikini uqturdi.

portugaliyede éqinqi 24 saet ichide qaza qilghan 8 kishi bilen qoshqanda, yuqum sewebidin qaza qilghanlar omumiy sani 1455 ke, yuqumlanghuchilar sani 33 ming 592 ge yetti.

bezi gherb döletliridiki «wuxen wirusi» sewebidin qaza qilghanlarning sanigha alaqidar melumatlar töwendikiche:

engliyede 39 ming 904؛ biraziliyede 34 ming 39؛ méksikada 12 ming 545؛ bélgiyede 9 ming 566؛ gérmaniyede 8 ming 736؛ kanadada 7 ming 637؛ péruda 5 ming 31؛ chilida 1356.

méksika pirézidénti andrés manuél lopéz obrador, dölette bir kün ichide «wuxen wirusi» sewebidin mingdin artuq kishining qaza qilishidin kéyin élan qilghan bayanatida, axbarat wasitilirini xelq arisida endishe tarqitish bilen eyiblidi, hemde keng xelq ammisini soghuqqan bolushqa chaqirdi.

u, «wuxen wirusi» gha qarshi küresh tedbirliri mesilisige jiddiy qarimasliq sewebidin axbarat wasitilirida özi üstidin tarqalghan dewalarning rast – yalghanliqigha qarita, «men sehiye ministirliqining yolyoruqlirini ijra qildim, xalas» dep jawab berdi.

8 – iyundin étibaren normallishish musapisining üchinchi basquchigha qedem qoyidighan bélgiye, yiraqtin ishlesh belgilimisining dawamlishidighanliqini uqturdi. katolik léuwén uniwérsitétining tetqiqati, «wuxen wirusi» basquchida bélgiyeliklerning % 50 tining, «<wuxen wirusi> basquchida dawalash xizmetlirige sel qaraldi» dep qaraydighanliqini, % 40 tining bolsa, salametlik jehettin mesile körülgen bolushigha qarimay, doxturxanigha barmighanliqi yaki doxturgha körünmigenlikini ispatlap berdi.

awstraliyede «wuxen wirusi» gha qarshi küresh tedbirliri dairiside yéngi jenubiy gallér ölkiside waqitliq  ibadetke taqalghan we 1 – iyundin étibaren qaytidin échilghan jamelerde, aridin 83 kün ötkendin kéyin tunji jüme namizi bügün oquldi.