xitayda yene yesli baliliri hujum nishanigha aylandi
xitayning guangshi juangzu aptonom rayonida bir yeslining amanliq saqlighuchi xadimi köpinchisi balilar bolghan 39 kishini pichaq bilen yarilandurdi.
türkiye awazi radiyosi xewiri: guangshi juangzu aptonom rayonida yesli baliliri hujumgha uchridi.
xitay taratquliridiki xewerlerde bildürülishiche,xitayning guangshi juangzu aptonom rayonidiki wuju shehirige qarashliq wusang nahiyesidiki bir yeslining li famililik amanliq saqlighuchi xadimi köpinchisi balilardin terkip tapqan 39 kishini pichaq bilen yarilandurghan.
deslepki melumatlarda, yarilanghanlarning doxturxanilargha apirilghanliqi, ikki kishining ehwalining éghir ikenliki bildürüldi.
weqe peyda qilghan amanliq saqlighuchining tutulghanliqi we weqe üstide tekshürüsh bashlanghanliqi qeyt qilindi.
amanliq saqlighuchining néme üchün yesli balilirigha hujum qilghanliqining sewebi éniq emes.
xitayda yéqinqi yillarda mekteplerde yaki ammigha ochuq bolghan jaylarda bundaq weqeler pat-pat yüz bermekte.
