qatar ötken 8 yilda pelestin xelqige 1 milyard 200 milyon dollardin artuq yardem berdi

qatar tashqi ishlar ministiri muhemmed bin abduraxman el sani israiliyening gherbiy qirghaq zéminini «qoshuwélish»ni pilanlighan héchqandaq teshebbusini qobul qilmaydighanliqini we pelestin xelqige yardem qilishni dawamlashturidighanliqini élan qildi.

1428665
qatar ötken 8 yilda pelestin xelqige 1 milyard 200 milyon dollardin artuq yardem berdi

türkiye awazi radiyosi xewiri: qatar tashqi ishlar ministiri muhemmed bin abduraxman el sani sin yighini arqiliq «pelestinliklerge yardem bérish komitétining ministirlar yighini» gha qatnashti.

el sani sözide, israiliyening ishghaliyet astidiki gherbiy qirghaqning texminen %30 ni  «qoshuwélish» pilanini éma qilip,  «biz ishghaliyet astidiki pelestin zéminini qoshuwélishni nishan qilghan héchqandaq urunushni qobul qilmaymiz » dédi.

ministir el sani: «qatar ötken 8 yilda pelestin xelqige 1 milyard 200 milyon dollardin artuq yardem berdi we bu yardemler dawamlishidu» dédi

qatarning yéqinda pelestinge 150 milyon dollarliq yardemde bolidighanliqini éytqan el sani , bu yardemlerning bir qismining kowid-19 yuqumigha qarshi küresh üchün ayrilghanliqini tekitlidi.

el sani yuqum mezgilide pelestin xelqige yardem qilishni dawamlashturushning  muhimliqini tekitlep, iane qilghan döletlerni pelestin xelqige dawamliq yardem bérishke chaqiriq qildi.

 


خەتكۈچ: #pelestin , #qatar

مۇناسىۋەتلىك خەۋەرلەر