donald tramp G7 rehberler yighinini séntebirge kéchiktürgenlikini élan qildi

türkiye awazi radiyosi xewiri: donald tramp floridadin qaytish jeryanida ayropilanda muxbirlargha bergen bayanatida, rehberler yighinining washingtonda yüzturane ötküzülüshini xalaydighanliqini tekitlep, «men bashliqlar yighinini 9-aygha kéchiktürdüm, biz rusiye, hindistan, koréye we awistiraliyeningmu bu guruhqa qoshulushini ümid qilimiz dédi.

tiramp yene «men G7 ning dunyada yüz bériwatqan ishlargha muwapiq wekillik qilidighanliqini hés qilmaywatimen. bu bir türküm döletler guruhi möhlitini toldurup boldi» dégen qarashlirini otturigha qoydi.

G-7 guruhi kanada, fransiye, gérmaniye, italiye, yaponiye, engiliye we amérikidin ibaret 7 dölettin teshkil tapidu.

G-7 rehberler yighinining 10- iyundin 12- iyunghiche paytext washington etrapidiki «lagér dawid» mektep binasida ötküzülishi palanghan bolup, emma yéngi tiptiki wuxen wirusi (Kovid-19) sewebidin torda ötküzülmekchi bolghan idi.

tramp 5-ayning 20-künidiki tiwittérda élan qilghan bayanatida, nurghun döletlerning normallishish bashquchigha qedem qoyghanliqini ima qilip, yighinini yüzturane ötküzüshni oylishiwatqanliqini bildürgen idi.

aqsaray bayanatchisi keyléy makéniymu tirampning rehberler yighinining aqsarayda ötküzülishini qollaydighanliqini bildürgen emma rehberler yighinining éniq waqtini tilgha almighan idi.