трамп аммиви таратқуларға мунасивәтлик қарарнамини имзалиди

америка қошма иштатлири пирезиденти доналд трамп аммиви таратқу мунбәрлиридә тарқитилған учурлардин қануний җәһәттин җавабкарлиққа тартилиш нишан қилинған қарарнамини имзалиди.

1425598
трамп аммиви таратқуларға мунасивәтлик қарарнамини имзалиди

түркийә авази радийоси хәвири: трамп ақсарайда өткүзүлгән мәзкур қарарнамини имзалаш мурасимида қилған сөзидә, интернет ширкәтлирини, тордашлар һәмбәһирләшкән учурлар сәвәблик җавабкарлиққа татмайдиған қанунға өзгәртиш киргүзүлүшиниң пиланлиниватқанлиқини, буниңдин кейин, аммиви таратқу мунбәрлириниң тордашларға қарита йолға қойуватқан чәклимиләрдин вә аммиви таратқуларда тарқитиливатқан учурлардин җавабкарлиққа тартилиши лазимлиқини тәкитлиди.

у, қарарнамини имзалаш җәрйанида бир мухбирниң «аммиви ортақлишиш тор бети Twitter дики сәһипиңизни өчүрәмсиз?» тәриқисидики соалиға мундақ җаваб бәрди: «бу дөләттә техиму адил бир ахбарат васитилири болса иди, әлвәттә сизниң дегиниңиздәк қилаттим, лекин, ахбарат васитилири адаләтсиз болғанлиқи үчүн, аммиви таратқуларниң васитиси арқилиқ көплигән инсанларға ой – пикирлиримни йәткүзәләймән. Twitter ниң <учурни җәзмләштүрүң> бәлгилимиси <сийасий паалийәт> тин башқа нәрсә әмәс. дәрвәқә, аммиви таратқу ширкәтлири монополлуқ асасида паалийәт елип бериватиду.  нопузлуқ бир ширкәт болмиса вә қануний һоқуқум болмиса иди, әлвәттә Twitter дики сәһипәмниму тақивәткән болаттим. бу һәқтә адвукатлар билән көрүшүватимиз, қануний бир басқучни ишқа кириштүримиз.»



مۇناسىۋەتلىك خەۋەرلەر