америка биразилийәдин кәлгәнләрниң чеградин өтүшини чәклиди

дунйада вухән вируси(Kovid-19) сәвәбидин җенидин айрилғанлар 346 миң 800 дин, йуқумланғанлар 5 милйон 513 миңдин вә саламәтлики йахшиланғанларниң сани 2 милйон 309 миңдин ашти.

1423152
америка биразилийәдин кәлгәнләрниң чеградин өтүшини чәклиди

түркийә авази радийоси хәвири: вабаниң мәркизигә айланған америкада вухән вируси сәвәбидин җенидин айрилғанлар 99 миңдин ашти. латин америка қитәсидә вабаниң мәркизигә айланған биразилийәдин америкаға кириш тохтитилди.

ақсарай байанатчиси кейли макенайни (Kayleigh McEnany) биразилийәдин америкаға кәлмәкчи болған кишиләрниң дөләттики вабани техиму еғирлаштуруветишидин әндишә қиливатқанлиқлирини әскәртип, америка пуқралириниң мәзкур чәклимигә учримайдиғанлиқини вә икки дөләт оттурисидики содиниң давамлишидиғанлиқини қәйт қилди.

америкадин қалса, дунйада вухән вируси билән йуқумлиниш җәһәттә иккинчи орунда туридиған биразилийәдә йеқинқи 24 саәттә вирус сәвәбидин җенидин айрилғанлар 653 киши ешип 22 миң 666 гә, йуқумланғанлар сани 5 миң 372 киши ешип 363 миң 211 гә чиқти.

мексикада йеқинқи 24 саәттә вухән вируси сәвәбидин җенидин айрилғанлар 215 киши ешип 7 миң 394 кә, йуқумланғучилар 2 миң 764 киши ешип 68 миң 620 гә чиқти.

вухән вирусиниң йавропадики мәркизигә айланған әнглийәдә йеқинқи 24 саәттә 118 киши ешип 36 миң 793 кә йәтти, йуқумланғучилар 2 миң 409 киши ешип 259 миң 559 ға чиқти.

италийәдә йеқинқи 24 саәттә вухән вируси сәвәбидин җенидин айрилғанлар ломбардийа (Lombardiya) районини һесабқа алмиғанда 32 миң 785 кә чиқти. йуқумланғучилар сани болса, 158 киши чүшүп, 56 миң 594 кә төвәнлиди.

италийә ички ишлар министири лучана ламорҗизи (Luciana Lamorgese) вирус тәдбирлири бошитилғандин кейинки биринчи һәптиниң ахирида сиртта бирликтә көрүлгән йашларни мәсулийәтчан болушни, әксичә болғанда, вабаниң қайтип келиши мумкинлики тоғрисида агаһландурди.

фирансийәдә йеқинқи 24 саәттә дохтурханиларда вухән вируси сәвәбидин 35 киши җенидин айрилди, буниң билән вухән вируси сәвәбидин җенидин айрилғанлар сани 28 миң 367 гә чиқти. йуқумланғучиларниң сани 115 киши ешип 219 миң 437 гә чиқти.

испанийәдә йеқинқи 24 саәттә вухән вируси сәвәбидин җенидин айрилғанларниң сани 70 киши ешип 28 миң 752 гә чиқти. бир һәптидин буйан күнлүк өлүм сани 100 ниң астида давамлашти. йуқумланғучилар болса, бир күндә 246 киши ашти.

йавропада вухән вируси әң арқида байқалған қаратағда, вирус байқилип аридин 68 күн өткәндә йуқумниң қалмиғанлиқи билдүрүлди. вухән вируси сәвәбидин тоққуз киши җенидин айрилған бу дөләттә, йуқумланғанлар сани 324 болди.       


خەتكۈچ: #вирус , #ваба

مۇناسىۋەتلىك خەۋەرلەر