ваң йи американиң хитайға қарши нурғун сүйиқәстләрни пиланлиғанлиқини ейтти

хитай ташқи ишлар министири ваң йи вухән вируси (Kovid-19) сәвәбидин өзлири үстидин әрз қилишларниң қанунға хилап икәнликини ейтти.

1423188
ваң йи американиң хитайға қарши нурғун сүйиқәстләрни пиланлиғанлиқини ейтти

түркийә авази радийоси хәвири: хитай ташқи ишлар министири ваң йи ахбарат елан қилиш йиғинида, хитайниңму башқа дөләтләргә охшаш вабаниң қурбанлири арисида икәнликини билдүрди.

у өзлиригә еһтийаҗи чүшкән дөләтләргә йардәм қилғанлиқлирини, вухән вируси сәвәбидин хитай үстидин әрз қилишниң қануний асасиниң йоқлуқини илгири сүрди.

у бундақ һәрикәтләрниң хәлқара қанунни көзгә илмаслиқ болидиғанлиқи әскәртти вә әрз тоғрисидики гәп-сөзләр һәққидә тохтилип: «виҗданға хилап, хата, адаләтсиз вә қанунға хилап» деди.

у йәнә, америкада хитайниң образини йоқитиши үчүн һәр бир пурсәттин пайдилинидиған «сийасий вирус» ниң тарқалғанлиқини билдүрүп: «бәзи америкалиқ сийасәтчиләр нурғун йалғанларни ойдуруп чиқип, наһайити көп сүйиқәстләрни пиланлиди» деди.

у хитай үстидин әрз қилмақчи болғанларниң хийалий дунйада йашаватқанлиқини, бундақ қәдәмни ташлайдиғанларниң «өзигә өзи һақарәт қилидиғанлиқи» ни қәйт қилди.

америка пирезиденти доналд трамп билән ташқи ишлар министири майк помпейо мушу ай (2020-йили май) ниң бешида, вирусниң вухәндики тәҗрибиханидин тарқалғанлиқини ейтқан иди.

пирезидент трамп 27-апрел ақсарайда елан қилған байанатида, американиң хитайдин вухән вирусиға мунасивәтлик төләм тәләп қилиши мумкинликини билдүргән иди.



مۇناسىۋەتلىك خەۋەرلەر