türkiye hemkarliq we maslashturush orgini (TİKA) yemende xelqqe yardem boyumliri tarqatti

türkiye hemkarliq we maslashturush orgini (TİKA) bilen apet we jiddiy haletlerge  taqabil turush idarisi (AFAD) yemenning taiz we lahij wilayetliride 3000 yémeklik posulkisi tarqatti.

1422705
türkiye hemkarliq we maslashturush orgini (TİKA) yemende xelqqe yardem boyumliri tarqatti

türkiye awazi radiyosi xewiri: türkiye hemkarliq we maslashturush orgini (TİKA) ning yemen ishliri mesuli abdulla sari apet we jiddiy haletlerge  taqabil turush idarisi (AFAD)  bilen masliship, 3 ming yémeklik posulkisi tarqatqanliqini, bu posulkilardin 2 mingni taizda we mingni lahijda tarqitip bergenlikini éytti.

abdullah sari lahij we taizdiki yerlik hökümetler bilenmu masliship heriket qilghanliqini shundaqla urush sewebidin öy – makanliridin ayrilghan namrat aililerning yardem nishani qilinghanliqini uqturdi.

yemende ichki urush 6 yildin buyan dawamlashqan bolup, xelq acharchiliq tehditige duch kelgen we insanperwerlik sharaiti éghirlashqan idi.

türkiye hemkarliq we maslashturush orgini (TİKA) yemende türkiyening köp tereplimilik insanperwerlik tashqi siyasitini dawamlashturmaqta.


خەتكۈچ: #yemen , #türkiye

مۇناسىۋەتلىك خەۋەرلەر