бир қисим ғәрб дөләтлиридики йуқумға алақидар толуқлима характерлик мәлуматлар:

түркийә авази радийоси хәвири: йуқумниң йавропадики мәркизигә айланған әнглийәдә йеқинқи 24 саәт ичидә вухән вируси сәвәбидин 282 киши қаза қилди, шуниң билән җәмий қаза қилғанларниң сани 36 миң 675 кә вә йуқумланғучиларниң сани 2 миң 959 киши ешип, 257 миң 154 кә йәтти.

италийәдә йуқумда қаза қилғанларниң сани бир күндә 119 киши ешип,  32 миң 735 кә йәтти вә йуқумланғучиларниң сани 570 киши ешип, 57 миң 752 гә төвәнлиди.

фирансийәдә, йеқинқи 24 саәт ичидә һайатидин айрилғанларниң сани 43 киши ешип, 28 миң 322 гә йәтти вә  йуқумланғанларниң сани 240 киши ешип, 219 миң 322 гә йәтти.

испанийәдә ковид -19 сәвәбидин қаза қилғанларниң сани алдинқи күни 48 киши ешип, 28 миң 678 гә вә йуқумланғучиларниң сани 361 киши ешип, 235 миң 290 ға йәтти. баш министир педро санчез мухбирларни күтүвелиш йиғинида, йуқум ахирлашқандин кейин, ковид -19 ниң немә үчүн йашанғанлар санаторийәсидики мойсипитларға әң көп тәсир қилғанлиқи тәкшүрүлидиғанлиқини ейтти.

германийәдә 8 миң 352 адәм қаза қилған болуп, фиранкфорт шәһиридә бир черкавда өткүзүлгән мурасимға қатнашқан 40 тин көп кишидә вирус байқалди. 10-майдики мурасимға зади қанчилик кишиниң қатнашқанлиқи техичә ениқланмиди.

данийәдә 3-айниң 11-күни ковид -19 билән тунҗи өлүм вәқәси руйхәткә елинди. йеқинқи 48 саәт ичидә өлүм вәқәси көрүлмигәнлики әскәртилди. данийәдә бүгүнгә қәдәр 561 киш вухән вируси сәвәбдин қаза қилған болуп, йуқумланғучиларниң сани 11 миң 289 ға йәткән иди.