amérika «ochuq samalar kélishimi» din chékindi

türkiye awazi radiyosi xewiri: amérika qoshma ishtatliri tashqi ishlar ministiri mayk pompéyo bu heqte élan qilghan yazma bayanatida mundaq dédi: «pirézidént tramp yolgha qoyuwatqan <dölet bixeterlik istiratégiyesi> dairiside ilgiriki barliq kélishimlerni közdin kechürduq, hemde bu kélishimlerning dölitimizning menpeetlirige paydiliq yaki emeslikige qarap chiqtuq. pirézidént trampningmu eskertkinidek, amérika qoshma ishtatliri ilgiri tüzülgen kélishimlerni hazirqi ehwalni közde tutqan halda közdin kechürüshi we amérikagha paydiliq yaki emeslikige qarap qarar chiqirishi lazim. ittipaqdashlirimiz we muhim shériklirimizdin kelgen melumatlar netijiside <ochuq samalar kélishimi> ning amérika qoshma ishtatlirigha paydiliq emeslikini tonup yettuq. shuning bilen, jüme künidin bashlap <ochuq samalar kélishimi> din chékinduq, bu qarar uda 6 ay küchke ige. eger rusiye kélishimge toluq riaye qilghan qilsa, chékinish qararimizni közdin kechürüshimiz mumkin.»

herbiy paaliyetlerde ochuq - yoruq bolushni teshwiq qilish, qoral – yaraghlarni kontrol qilish we bashqa kélishimlerni közitishni qolaylashturush meqsitide qoralsiz charlash ayropilanlirining uchushigha ruxset qilidighan, yawropa bixeterlik we hemkarliq teshkilati térrotériyeside «ishench  turghuzush we bixeterlikni qoghdash» ni nishan qilidighan we 1992-yili imzalanghan «ochuq samalar kélishimi» ni qobul qilghan döletler qataridin türkiyemu orun alidu.