amérika «wuxen wirusi» waksinisi üchün 1.2 milyard dollar chiqim qilidu
amérika qoshma ishtatliri hökümiti öktebir éyida teyyar bolidighanliqi bildürülgen «wuxen wirusi» waksinisi üchün merkizi engliyediki dora shirkiti «AstraZeneca PLC» ge 1.2 milyard dollar béridu.
türkiye awazi radiyosi xewiri: amérika taratqulirining xewer qilishiche, oksford unwérsititi «wuxen wirusi» waksinisini ishlepchiqiridighan we tarqitidighan dora shirkiti «AstraZeneca PLC» amérika hökümiti bilen kélishim tüzgen bolup, kélishim dairiside, amérikaning bu shirketke 1 milyard 200 milyon dollar tölishi we buning bedilige, waksina siniqining aldi bilen amérikddiki 30 ming ademde élip bérilishi, ishlepchiqirish miqdarining kem dégende 300 milyongha yetküzülüshi qararlashturulghan.
oksford uniwérsitétining birdin köp waksina modéli bar bolup, nöwette kishilerde sinaq qilinmaqta iken. eger ünümlük bolsa, tunji waksina küzde teyyar bolidiken.
amérika qoshma ishtatliri, xelqara dora yasash shirketliri « Moderna» we « Johnson&Johnson» bilen 939 milyon dollarliq kélishim tüzüsh arqiliq, tunji qétim «wuxen wirusi» waksinisi bilen teminligen dölet bolushni nishan qilmaqta iken.
