rusiye israiliyeni agahlandurdi

rusiye israiliyening iyordan deryasining gherbiy qirghiqini bésiwélish pilanining pelestinde xewplik zorawanliq weqelirini keltürüp chiqiridighanliqini bildürdi.

1421751
rusiye israiliyeni agahlandurdi

+ türkiye awazi radiyosi xewiri: rusiye tashqi ishlar ministirliqi teripidin bu heqte élan qilinghan yazma bayanatta, pelestin dölet reisi mehmud abbasning,  israiliyening iyordan deryasining gherbiy qirghiqini bésiwélish pilanigha qarshi, israiliye we amérika qoshma ishtatliri bilen tüzülgen héchqandaq bir kélishim we ehdinamige riaye qilmaydighanliqlirini jakarlighanliqi tekitlinip mundaq déyildi: «rusiye terep israiliyelik shériklirini, birleshken döletler teshkilati xewpsizlik kéngishi, birleshken döletler teshkilati omumiy kéngishidin sirt yene, ereb tinchliq pilanigha munasiwetlik qararlirini öz ichige alghan, ottura sherq kirizisini xelqara qanungha asasen hel qilish belgilimilirige xilap bolghan bir tereplimilik pilanlarning ijra qilinmasliqi toghruluq köp qétim agahlandurdi. derweqe, bu pilanlar, 1967 – yilqi chégra liniyeliri asas qilinidighan kelgüsidiki bir pelestin dölitining put tirep turalishining muhim sherti bolghan iyordan deryasining gherbiy qirghiqining zémin pütünlüki alahidilikini imkansiz halgha keltüridu. israiliyening bundaq kéngeymichilik heriketliri, pelestin zéminlirida xeterlik zorawanliq weqelirining otturigha chiqishigha seweb bolidu. shuning bilen bir waqitta, ottura sherq rayonining weziyitini téximu murekkepleshtürüwétish endishisi tughduridu. barliq tereplerni rayonning weziyitini téximu jiddiyleshtürüwétidighan qedemlerni tashlashtin we biwasite muzakirilerge tosalghu bolushtin yiraq turushqa chaqirimiz.»



مۇناسىۋەتلىك خەۋەرلەر