rusiye amérikagha jawab qayturdi
rusiye amérika qoshma ishtatlirining «ochuq samalar kélishimi» din chékinidighanliqigha dair bayanatigha jawab qayturdi.
türkiye awazi radiyosi xewiri: rusiye tashqi ishlar ministirliqi bayanatchisi mariya zaharowa, dölet téléwiziyesi «‹ Rossiya-2› qanili» gha bergen bayanatida mundaq dédi: «amérika qoshma ishtatlirining <ochuq samalar kélishimi> din chékinidighanliqigha dair uqturushi yaki bayanati diplomatik qanallarning wasitisi arqiliq rusiye terepke yetküzülgini yoq. derweqe, rusiye özining pozitsiyesini shekillendürüsh üchün amérika qoshma ishtatlirining bu heqtiki meydanini éniq békitishini kütmekte.»
rusiye muawin tashqi ishlar ministiri aléksandir grushko, rusiyening «‹TASS› agéntliqi» gha bergen bayanatida mundaq dédi: «amérika qoshma ishtatlirining bu kélishimdin chékinishi, yawropaning muqimliqi we herbiy bixeterlikige qarita yéngi bir zerbe bolidu.»
rusiye tashqi ishlar ministirliqi qoral – yaraghlarni kontrol qilish bashqarmisining bashliqi wiladimir yérmakow bolsa, amérika qoshma ishtatliri kélishimdin chékingen teqdirde, «bi pilanlirining barliqi» ni bildürdi.
