русийә: нәпәслиниш үскүниси әвәтиши американиң сәмимийити

русийә «вухән вируси» ға қарши күрәш тәдбирлири даирисидә нәпәслиниш үскүниси әвәтишиниң америка қошма иштатлириниң сәмимийити икәнликини билдүрди.

1421713
русийә: нәпәслиниш үскүниси әвәтиши американиң сәмимийити

түркийә авази радийоси хәвири: русийә ташқи ишлар министирлиқи байанатчиси марийа заһарова, һәптилик мухбирларни күтүвелиш йиғинида, америка қошма иштатлириниң «вухән вируси» ға қарши күрәш тәдбирлири даирисидә, русийәгә мәхсус бир айропилан билән дәсләпки қәдәмдә 50 данә нәпәслиниш үскүниси әвәткәнликини, келәр һәптә йәнә әвәтидиғанлиқини, бу үскүниләрниң еһтийаҗлиқ сәһийә органлириға тарқитип берилидиғанлиқини әскәртиш билән бир вақитта, илгири русийәниң америка қошма иштатлириниң нийу йорк шәһиригә теббий лазимәтликләр әвәткәнликини, әмдиликтә болса, нәпәслиниш үскүниси ишләпчиқириш миқдарини ашурғанлиқи үчүн, америка қошма иштатлириниң русийәгә йардәм бериш имканийигә еришкәнликини тәкитләп мундақ деди: «бу һәр икки тәрәпниң өзара йардәм бериш пиринсипида чиң туридиғанлиқи вә сәмийитиниң намайәндисидур. шуниң билән, һәр икки тәрәп бурчини ада қилған болди.»



مۇناسىۋەتلىك خەۋەرلەر