трамп: хитайниң тәтүр тәшвиқатлири рәзилликтур

америка пирезиденти доналд трамп хитай ташқи ишлар министирлиқиниң байанатчиси җав лиҗйәнниң америка тоғрисида қилған байанатиға наразилиқ билдүрди.

1421157
трамп: хитайниң тәтүр тәшвиқатлири рәзилликтур

түркийә авази радийоси хәвири: пирезидент трамп твиттерда: «байанатчи җав хитай намидин калваларчә гәп қилип, дөлитиниң дунйаға тарқатқан ечинишлиқ қирғинчилиқниң нишанини өзгәртишни үмид қиливатиду. хитайниң америка вә йавропа үстидә қиливатқан тәтүр тәшвиқат һуҗумлири рәзиллктур» деди.

у хитайниң вухән вирусини дәсләпкә күнләрдила тосувалалайдиғанлиқини, бирақ ундақ қилмиғанлиқини илгири сүрүп мундақ деди:

«хитай чоң тәтүр тәшвиқат сәпәрвәрлик һәрикитини қанат йайдуруватиду. чүнки хамуш җо байдинниң сайламда утуши вә мән вәзипигә келишкичә болған нәччә он йилдин бири қилиғинидәк давамлиқ американи қойуветиштә үмидсиз.»

хитай ташқи ишлар министирлиқиниң байанатчиси җав лиҗйән бейҗиңдики ахбарат елан қилиш йиғинида, пирезидент трампниң дунйа сәһийә тәшкилати һәққидә елан қилған байанати үстидә тохталғанда: «җәмийәткә хата учур тарқитип, хитайниң вухән вирусиға қарши күрәш тиришчанлиқлирини қарилап, американиң вабаға қарши күришидики йетәрсизликини йепишқа урунуватиду. америкалиқ бәзи сийасәтчиләрни башқиларни әйибләштин вә мәсулийәттин қечиштин ваз кечип, хәлқаралиқ җәмийәт билән өзара һәмкарлиқларни күчәйтип, вабани бирликтә йиңишни тәвсийә қилимиз» дегән иди.

пирезидент трамп дүшәнбә күни (2020-йили 18-май) дунйа сәһийә тәшкилати директори тедрос адханом ғебрейесус (Tedros Adhanom Ghebreyesus) қа әвәткән мәктубида, ислаһат қилмиған тәқдирдә дунйа сәһийә тәшкилатиға бериливатқан фондларниң 30 күндин кейин «узун муддәтлик» тохтитилидиғанлиқини билдүргән иди.

пирезидент трамп 2020-йили 14-апрел дунйа сәһийә тәшкилатини вабаға қарши турушта мувәппәқийәтсиз болуш вә хитайға йанбесиш билән әйибләп, тәшкилатқа бериливатқан иқтисадий йардәмни тохтатқанлиқлирини елан қилған иди.



مۇناسىۋەتلىك خەۋەرلەر